South Indian Aloo Kurma Recipe: घरच्या घरी साऊथ स्टाईल आलू कुरमा कसा बनवायचा? जाणून घ्या सोपी रेसिपी

Aloo Kurma Recipe: आलु कुरमा ही एक स्वादिष्ट आणि मसालेदार दक्षिणेत खाल्ली जाणारी भारतीय भाजी आहे. जी बटाट्यांपासून तयार केली जाते. ही भाजी खास करून पोळी, पराठा, डोसा किंवा साध्या भातासोबत खूप चविष्ट लागते. घरच्या घरी अगदी सोप्या पद्धतीने आपण ही भाजी तयार करू शकतो.

साहित्य

३-४ बटाटे

खोवलेला नारळ

१ टेबलस्पून खसखस

१ टेबलस्पून भाजलेले शेंगदाणे

तेल

१ टीस्पून जिरे

१ मोठा चिरलेला कांदा

१ चिरलेला टमाटर

अर्धा टीस्पून हळद

1 टीस्पून लाल तिखट

1 टीस्पून धनेपूड

कोथिंबीर

सर्वप्रथम, मध्यम आकाराचे ३-४ बटाटे प्रेशर कुकरमध्ये उकडून घ्या व त्यांना सोलून चिरून ठेवा. एका मिक्सरमध्ये दीड कप खोवलेला नारळ, १ टेबलस्पून खसखस पाण्यात भिजवून घ्या, आणि १ टेबलस्पून भाजलेले शेंगदाणे टाकून त्याची मऊ पेस्ट तयार करा.

आता कढईत १ टेबलस्पून तेल गरम करून त्यात १ टीस्पून जिरे टाका. त्यावर १ मोठा चिरलेला कांदा परतवा. कांदा थोडा ब्राउन झाला की त्यात १ चिरलेला टमाटर, अर्धा टीस्पून हळद, 1 टीस्पून लाल तिखट, आणि 1 टीस्पून धनेपूड घालून छान परतून घ्या. त्यात तयार केलेली नारळाची पेस्ट घालून ५ मिनिटं शिजवा.

आता उकडलेले बटाटे घाला व थोडं पाणी टाकून गरजेनुसार ग्रेवी तयार करा. ५-७ मिनिटे मंद आचेवर शिजवून शेवटी १ टीस्पून गरम मसाला आणि चवीनुसार मीठ घालून मिक्स करा.

सजावटीसाठी वरून कोथिंबीर टाका. ही भाजी गरम पोळी, पराठा किंवा भातासोबत सर्व्ह करा. झणझणीत, नारळाच्या स्वादासह आलु कुरमा एकदम परफेक्ट मेजवानी ठरते.