Mango Pickle Making Tips : कैरीचे लोणचे बनवताय ? लगेच खराब होते? मग या गोष्टी लक्षात ठेवा, वर्षभर टिकेल...

How To Make Pickle : लोणच्याचे नाव ऐकताच हमखास आठवण येते ती आई आणि आजीच्या हाताच्या चवीची. घरात दिसणारं ते चिनी मातीचं भांड पाहिलं की, आपल्याला लोणचं खाण्याचे डोहाळेचं जणू लागतात.

परंतु, या सगळ्याची गंमत आता जाणवता येतं नाही. बाजारामध्ये हल्ली सहज बंद डब्यात लोणची मिळतात. पण घरी (Home) बनवलेल्या लोणच्याची चव ही अधिकच चविष्ट असते. वेळेच्या अभावामुळे व शहरीकरणांमुळे हल्ली लोणची विकत आणचं जास्त सोयीस्कर वाटू लागतं. परंतु, जर तुम्ही यंदाच्या उन्हाळ्यात लोणची (Pickle) बनवत असाल तर या गोष्टींची काळजी घ्या. ज्यामुळे ते एकदम परफेक्ट व चविष्ट बनेल तसेच वर्षभर टिकूनही राहिल.

1. लोणचे बनवताना या चुका करू नका

लोणचं फक्त कैरीपासून बनत नाही तर ते इतर अनेक पदार्थांपासूनही बनते त्यासाठी तुम्ही वेगवेगळ्या प्रकारची फळे आणि भाज्यांचे लोणचे बनवू शकता. पण लोणचे बनवताना हे लक्षात ठेवा की तुम्ही जे लोणचे बनवताना ते स्वच्छ (Clean) आणि ताजे असावे. त्यात कमी दर्जाचे पदार्थ टाकले तर त्याची चव आणि लूक आपल्याला पाहिजे तसा राहणार नाही. लोणची बनवताना एक वर्षापेक्षा जुने मसाले वापरू नका. त्यापेक्षा ताजे मसाले घेऊन बारीक वाटून घ्या. कारण बारीक पावडर मसाले वापरल्याने लोणच्याच्या तेलाचा रंग खराब होतो.

2. अति आंबटपणा नको

लोणचे बनवताना आपण ते आंबट होऊ नये म्हणून त्यात व्हिनेगर किंवा लिंबाचा रस घालणे आवश्यक आहे, परंतु यासाठी या दोन गोष्टींचे योग्य प्रमाण जाणून घेणे देखील खूप महत्वाचे आहे. नाहीतर लोणचे अधिक आंबट होते.

3. अधिक मीठ

जास्त मीठ देखील लोणच्याची चव आणि रंग खराब करू शकते. म्हणूनच लोणच्यामध्ये आयोडीनचे प्रमाण कमी असलेले मीठ वापरावे. त्याऐवजी, तुम्ही सामान्य मिठाऐवजी रॉक सॉल्ट वापरू शकता.

4. तेलाचा वापर

लोणचे टाकताना योग्य प्रमाणात तेलाची काळजी घेणे फार महत्वाचे आहे . अन्यथा तेल खराब होऊ शकते. खरं तर, लोणच्यामध्ये मुख्यतः मीठ आणि तेलाचा वापर ते जास्त काळ टिकावे म्हणून केला जातो, जे लोणचे खराब होण्यापासून रोखतात, तसेच त्यांच्याशिवाय लोणच्याची चव देखील बिघडते. म्हणूनच तेलाच्या प्रमाणाची पूर्ण काळजी घ्या.

5. अगोदर लोणचे काढणे

लोणच्या प्रक्रियेत प्रेम आणि काळजी तितकेच महत्वाचे आहे. पण लोक बर्‍याचदा घाईत असतात आणि ते खाण्याच्या उत्सुकतेने ते लोणचे नीट मॅरीनेट होऊ देत नाहीत. हे केवळ चवच खराब करत नाही तर त्याचे शेल्फ लाइफ देखील कमी करते. लोणचे बनवण्यासाठी काचेचे किंवा सिरॅमिकचे भांडे वापरू नका. तांबे, लोखंड, जस्त किंवा पितळेची भांडी नाही. कारण त्यात लोणचे टाकल्यास त्याची चव कडू होऊ शकते. आणि ते खाल्ल्याने तुमच्या आरोग्यावर वाईट परिणाम होऊ शकतो.