Diwali Meditation: स्मरणशक्ती वाढवण्यासाठी दिवाळीतल्या दिव्यांचा करा वापर, वाचा तज्ज्ञ काय म्हणाले

दिवाळी हा सण महाराष्ट्रात मोठ्या संख्येने धामधुमीत साजरा केला जातो. दिवाळी हा सण दिव्यांचा किंवा रोषणाईचा असल्याचे सांगितले जाते. प्रत्येकाच्या दारासमोर दिव्याची रांग लागलेली असते. पण तुम्हाला माहित आहे का, दिवा हा भक्त प्रकाश पाडायचे काम करत नाही तर आरोग्यासाठी फायदेशीर असतो. तुमची एकाग्रता वाढवण्यासाठी हा दिवा खूप फायदेशीर ठरतो. पुढे आपण याच्या स्टेप्स आणि फायदे जाणून घेणार आहोत.

(How Focusing On Lamp Flame Improve Concentration)

तुम्हाला माहितीये का दिव्याला पाहून एकाग्रता वाढवण्याची क्षमता जास्त वाढते. ही एक प्राचीन पद्धत आहे. याचा फायदा तुम्हाला योग्य वेळी, योग्य त्या क्षणी निर्णय घेण्यासाठी होते. या टेकनिकला त्राटक (Trataka) असेही म्हंटले जाते. तज्ज्ञांच्या मते, त्राटक अभ्यास पैरासिंपेथेटिक नर्व सिस्टीम ला सक्रीय करण्याचे काम करतो. त्यामध्ये मनाला आणि शरीराला शांती मिळते. याने श्वास नॉर्मल होऊन ह्दयाची धडधड नियंत्रणात येते. कारण जेव्हा डोळे स्थिर असतात तेव्हा डोक्यात विज्युअलचा भाग सक्रीय होतो.

दिव्यावर लक्ष केंद्रित करणे तुमच्या आरोग्यासाठी खरोखर चांगले आहे का?

नॅशनल लायब्ररी ऑफ मेडिसिन स्टडीजनुसार, ही पद्धत डोकेदुखीपासून आराम देते आणि डोळ्यांच्या आरोग्यासाठी देखील फायदेशीर मानली जाते. याने डोळ्यांची स्थिरता सुधारली असल्याचे दिसून आले. यावरून असं स्पष्ट होतं की त्राटकाचा सराव केल्याने मानसिक आणि शारीरिक आरोग्य सुधारू शकते. त्राटकचा सराव केल्याने निद्रानाशाची लक्षणे कमी झाली आणि झोपेची गुणवत्ता सुधारते.

दिव्याच्या मदतीने ध्यान कसे करावे?

ध्यान करण्यासाठी शांत जागा निवडा.

एक दीर्घ श्वास घ्या आणि दिव्याच्या जळत्या वातीकडे पाहा.

सुरुवातीला १ मिनिट ध्यान करा.

तुमच्या डोळ्यांनी वातीची हालचाल पहा.

तुमचे डोळे स्थिर ठेवण्याचा प्रयत्न करा.

कल्पना करा की तुमचे दोन्ही डोळे एकत्र येऊन एक डोळा बनला आहे. ज्यामुळे तिसरा डोळा (अंतर्ज्ञानी चक्र) सक्रिय होतो.