Skin Care : सणासुदीला चेहऱ्यावर इन्स्टंट ग्लो हवाय? शून्य रुपयात मिळवा चमकणारी त्वचा, जाणून घ्या घरगुती ब्युटी सिक्रेट

सणासुदीला प्रत्येकाला सुंदर आणि फ्रेश दिसायचे असते. त्यामुळे अनेक महिला ब्युटी पार्लरकडे धाव घेतात. अनेक पैसे देऊनही त्याच्या चेहऱ्यावर ग्लो येत नाही. शिवाय पैसेही वाया जातात. असे होऊ नये सणासुदीला तुमचेही सौंदर्य खुलून यावे. यासाठी घरगुती पदार्थांपासून तयार केलेला फेस पॅक चेहऱ्यावर लावा. त्वचा मऊ, तजेलदार सोबतच नैसर्गिकरित्या चमकू लागेल. तसेच चेहऱ्यावरील पिंपल्स, सुरकुत्या, काळे डाग देखील दूर होतील.

टोमॅटो फेस पॅक

साहित्य

• टोमॅटो, दही, मध

कृती

टोमॅटो फेस पॅक बनवण्यासाठी एका बाऊलमध्ये टोमॅटो प्युरी, दही आणि मध मिक्स करून घ्या. ही तयार झालेली पेस्ट चेहऱ्यावर लावा. पेस्ट सुकल्यावर चेहरा थंड पाण्याने धुवून घ्या. यानंतर टोमॅटोच्या एका स्लाईसने चेहऱ्यावर स्क्रब करा. या पेस्टमुळे चेहऱ्याचे टॅनिंग दूर होऊन नैसर्गिक त्वचा मिळेल. टोमॅटो फेस पॅक चेहऱ्यावर लावण्यापूर्वी गरम पाण्याची स्टीम घ्या त्यामुळे चेहऱ्याची त्वचा मुलायम होईल. लक्षात ठेवा चुकूनही फक्त दही चेहऱ्यावर लावू नये. यामुळे त्वचेला ॲलर्जीचा धोका वाढतो.

ओट्स फेस पॅक

साहित्य

• ओट्स, मध, गुलाब पाणी, दूध

कृती

ओट्सचा फेस पॅक तयार करण्यासाठी ओट्स थंड पाण्यामध्ये भिजवा. जेणेकरून ते घट्ट् होतील. घट्ट् झालेले ओट्सचा एका बाऊलमध्ये काढा आणि त्यात मध, गुलाब पाणी आणि दूध मिक्स करा. हा फेस पॅक चेहऱ्यावर १५ ते २० मिनिटे लावून ठेवा. त्यानंतर चेहरा स्वच्छ धुवून त्यावर बर्फ चोळा. यामुळे त्वचा तजेलदार होते. ओट्स फेस पॅक पिंपल्स दूर करण्यासाठी उपयुक्त ठरतो. तसेच चेहऱ्याच्या सुरकुत्या दूर करून नैसर्गिक ग्लो येतो.

कॉफी फेस पॅक

साहित्य

• कॉफी पावडर, कच्चे दूध, मध

कृती

कॉफीचा फेस पॅक बनवण्यासाठी एका बाऊलमध्ये मध, कच्चे दूध आणि कॉफी पावडर टाकून मिक्स करून घ्यावे. हा फेस पॅक चेहऱ्याला लावून छान मसाज करावा. यामुळे त्वचेवरील घाण निघून जाऊन, त्वचा तेजस्वी होते. कॉफीमुळे चेहऱ्यावरील पिगमेंटेशन कमी होऊन इन्स्टंट ग्लो येतो. मध त्वचेला पोषण देऊन त्वचेची पोत सुधारते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.