Heart Attack: छातीत न दुखताही महिलांना हार्ट अटॅकचा धोका? तज्ज्ञांनी सांगितली 7 लक्षणे, अजिबात करु नका दुर्लक्षित

सध्याच्या धावपळीच्या जगात बरीच मंडळी सामान्य वाटणाऱ्या आजारांकडे दुर्लक्ष करतात. कामाच्या व्यापात त्यांच्या डॉक्टरांकडे जायला वेळ आणि इच्छा दोन्ही नसते. त्यामुळे अनेकांना वाटतं की, या समस्या आपोआप बऱ्या होतील. पण याने तुमचा जीव सुद्धा गमवावा लागू शकतो. कारण काही जीवघेण्या आजारांची लक्षणं ही खूप साधीच असतात. त्यात ती आधी जाणवत नाहीत पण त्याचा परिणाम लगेच दिसू लागतो.

पुढे आपण ह्रदयरोगतज्ज्ञांनी (Cardiologist) सांगितलेल्या लक्षणांबद्दल जाणून घेणार आहोत. ही लक्षणे हार्ट अटॅकची आहेत. कारण बऱ्याच जणांना वाटतं की, हार्ट अटॅक म्हणजे भक्त छातीत दुखणं. हा खूप मोठा आणि चुकीचा गैरसमज आहे. त्यात महिलांमध्ये हार्ट अटॅकची वेगळी लक्षणं दिसतात. जसं की, खूप अॅसिडीटी, फ्लू, सतत थकवा, ताण. पुरुषांनी थेट छातीत दुखणे, झटका येणे अशा समस्या जाणवतात. पण महिलांमध्ये थोडी वेगळी लक्षणे आहेत. जी अनेक महिलांनाही माहित नसतील. पुढे आपण याबद्दल थोडक्यात जाणून घेणार आहोत.

हार्ट अॅटकची ७ सायलेंट लक्षणे ( 7 silent heart attack signs women should never ignore)

1) जबडा दुखणे.

हार्ट अटॅकच्या वेळेस फक्त छातीत दुखत नाही. तर जबडा, मान, खांदा किंवा पाठीत खूप तीव्र वेदना होतात. यामुळे खूप जडपणा किंवा आतून कोणीतरी आपले अवयव दाबतयं असं वाटू शकतं. अनेकदा महिलांना हे दुखणं ताण किंवा मसल पेन वाटतं. याकडे अजिबात दुर्लक्ष करु नका.

2) सतत थकवा जाणवणे.

पुरेशी झोप घेतल्यानंतरही अचानक खूप थकवा जाणवत असेल तर हा हार्ट अटॅकचा धोका समजा. हा थकवा कोणतंही काम न करता जाणवतो.

संशोधनानुसार हार्ट अटॅकच्या काही दिवस आधी असा थकवा बऱ्याच रुग्णांना आणि विशेषत: महिलांना जाणवतो.

3) श्वास घेण्यास त्रास होणे.

जास्त शारीरिक श्रम न घेता दम लागत असेल तर ही सुद्धा गंभीर समस्या आहे. महिला दिवसभर कामात असतात. पण त्यांना नेहमीपेक्षा जास्त थकवा जाणवत असेल तर त्याकडे दुर्लक्ष करु नका. कारण हा हृदयापर्यंत रक्तपुरवठा कमी झाल्यामुळे होणारा त्रास आहे. अनेक महिला याला गॅस किंवा अ‍ॅसिडिटी समजून दुर्लक्ष करतात.

4) मळमळ, अपचन किंवा पोटदुखीचा त्रास होणे.

मळमळ, उलट्या किंवा पोटात दुखणं ही समस्या वारंवार जाणवत असेल तर त्वरित डॉक्टरांकडे धाव घ्या. महिलांमध्ये हार्ट अटॅकच्या आधी अशी लक्षणं दिसू शकतात. ही लक्षणं अ‍ॅसिडिटी किंवा फूड पॉइझनिंग समजली जातात.

5) थंड घाम येणे.

कोणतंही काम न करता अचानक थंड घाम येणं धोक्याचं आहे. चक्कर येणं किंवा डोकं हलकं वाटणं हृदयाच्या समस्येचं लक्षण असू शकतं.

अशावेळी लगेचच डॉक्टरांकडे जाऊन तपासणी करा.

6) झोप न लागणे.

रात्री झोप न लागणे किंवा कारण नसताना भीती वाटणे हे सुद्धा हार्ट अटॅकचे लक्षण आहे. झोपेतून अचानक दचकून जाग ही समस्या सुद्धा गंभीर आहे.

विशेषतः डायबिटीस किंवा बीपी असलेल्या महिलांनी यात सतर्क राहायला हवं.

7) छातीत कधीतरी खूप हलक्या वेदना होणे.

महिलांमध्ये हार्ट अटॅकवेळी छातीत तीव्र वेदना होतातच असे नाही. फक्त जडपणा, दाब किंवा अस्वस्थता जाणते. मात्र छातीत दुखत नाही म्हणून दुर्लक्ष करू नका. याने तुमच्या जीवाला हार्ट अटॅकचा धोका जाणवू शकतो.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.