Guava Side Effects: पेरू खाणं या ४ 'रिस्की' गटातल्या लोकांसाठी ठरतंय घातक, कारणे काय?

उन्हाळा आला की, लोक वेगवेगळी फळं विकत घेऊन खातात. या दिवसांमध्ये आंबा, कैरी, कलिंगड, डाळिंब, केली आणि पेरू यांसारखी अनेक फळं बाजारात उपलब्ध असतात. पण सगळीच फळं सगळ्यांनीच खाणं योग्य नसतं. कारण प्रत्येक फळाचे फायदे वेगवेगळे असतात. त्यातच डॉक्टरांनी दिलेल्या माहितीनुसार काही व्यक्तींनी पेरू खाणं टाळलं पाहिजे. कारण त्याचा तुमच्या शरीरावर गंभीर परिणाम होऊ शकतो. पण तो तुम्हाला फारसा जाणवत नाही. तुम्हाला जर याच धोक्यापासून वाचायचं असेल तर पुढील माहिती शेवटपर्यंत वाचा.

पेरु खायला सगळ्यांनाच आवडतात. त्यामध्ये व्हिटॅमिन C, फायबर आणि अँटिऑक्सिडंट्स मोठ्या प्रमाणात असतात. काही लोकांना पेरू इतका आवडतो की, ते रोजच्या रोज खातात. त्याने पचन सुधारतं, रोगप्रतिकारक शक्ती वाढते आणि तुमच्या स्कीनलाही फायदा होतो. पण प्रत्येक पदार्थ प्रत्येकाच्या शरीराला सूट होतोच असं नाही, आणि इथेच काळजी घेण्याची गरज आहे. पेरूमधल्या जास्त फायबरमुळे पोटदुखी, गॅस, अॅसिडिटी किंवा सूज वाढू शकते. पेरूच्या बियांमुळे आतड्यांवर ताण सुद्धा येतो.

पेरू कितीही आवडीचा असला तरी डायबेटीजच्या रुग्णांनी तो जरा सांभाळूनच म्हणजे कधीतरी आणि कमी प्रमाणात खाल्ला पाहिजे. कारण त्यातली नैसर्गिक साखर तुमच्या रक्तातल्या साखरेची पातळी अचानक वाढू शकते. त्यामध्ये पिकलेला पेरू किंवा पेरूचा ज्यूस घेतल्यावर हा धोका जास्त असतो. त्यामुळे प्रमाणात आणि डॉक्टरांच्या सल्ल्यानुसारच खाणं योग्य ठरेल.

तसेच त्वचेच्या अॅलर्जी किंवा एक्झिमा असलेल्यांनी पेरू खाणं शक्यतो टाळावं. कारण त्याने त्वचेवरची खाज, पुरळ किंवा त्वचेवर लालसरपणा येतो. पेरूमुळे सारखी सर्दी, खोकला किंवा सायनसचा त्रास होतो. लहान मुलांनी जर जास्त पेरू खाल्ला तर कफ वाढू शकतो आणि घशात खवखव सुद्धा वाढतो. त्यामुळे तो रात्री खाणं सुद्धा टाळलं पाहिजे. जर तुम्हाला पेरू खाऊन पोटदुखी, सूज, खाज किंवा इतर त्रास जाणवत असेल, तर ते शरीराचे संकेत आहेत. अशावेळी पेरू खाणं कमी करा किंवा पूर्णपणे बंदच करा.

टीप: आरोग्य तज्ज्ञांच्या मते, कोणताही आहार अंधाधुंद पद्धतीने न पाळता आपल्या प्रकृतीनुसार निवडणं गरजेचं आहे. योग्य आहार, संतुलन आणि सजगपणे खाण्याच्या सवयी यामुळेच दीर्घकाळ निरोगी राहता येतं. तसेच रुग्णांनी आहारात बदल करताना तज्ज्ञांचा सल्ला घ्यावा.