Weight Loss Tips : फराळ खाऊन पोट सुटलंय? वजन कमी करण्यासाठी स्वयंपाकघरातील हा पदार्थ ठरेल फायदेशीर

Detox Drink For Weight Loss :

दिवाळी म्हटलं की, फराळाची चव चाखल्याशिवाय सणाचा आनंद द्विगुणित होत नाही. सणासुदीच्या काळात साखर आणि कार्बोहायड्रेट्सच्या पदार्थांचे जास्त प्रमाणात सेवन केल्याने मधुमेह आणि हृदयविकाराच्या समस्यांना सामोरे जावे लागते. त्यामुळे वजनही अतिप्रमाणात वाढते.

कितीही प्रयत्न केले तरी वाढणाऱ्या वजनाला नियंत्रणात ठेवता येत नाही. परंतु, जर तुम्हालाही तुमचे वजन नियंत्रणात ठेवायचे असेल तर काही घरगुती उपाय फायदेशीर ठरु शकतात. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

वजन कमी करण्यासाठी भरपूर पोषकतत्व असलेले आले आरोग्यासाठी खूप फायदेशीर आहे. जेवणाची चव वाढण्यासोबतच वजन कमी करण्यासाठी उपयुक्त ठरु शकते. आल्याचे सेवन केल्याने सर्दी आणि खोकल्यासाठी घरगुती उपाय (Home Remedies) म्हणून वापरले जाऊ शकते. वजन कमी करण्यासाठी देखील मदत करु शकते. वजन नियंत्रित करण्यासाठी आल्याचा वापर केला जाऊ शकतो.

1. आल्याचा चहा

ज्या लोकांना वजन कमी करायचे आहे त्यांनी आल्याचा चहा फायदेशीर ठरु शकते. वजन कमी करण्यासाठी नियमितपणे सकाळ आणि संध्याकाळी आल्याचा (Ginger) चहा पिऊ शकता. या चहामध्ये लिंबाचा रसही मिसळून पिऊ शकता. जे वजन कमी करण्यास फायदेशीर आहे.

2. आले आणि लिंबू पाणी

वजन कमी करण्यासाठी बरेचदा लोक सकाळची सुरुवात लिंबू पाण्याने करतात. वजन कमी करण्याच्या आहारात आले आणि लिंबू पाणी पिऊ शकता. यासाठी गरम पाण्यात आले आणि लिंबाचा रस मिसळून रोज सकाळी डिटॉक्स ड्रिंक म्हणून पिऊ शकता.

3. स्मूदी

वजन कमी (Weight loss tips) करण्यासाठी तुम्ही आल्याचा स्मूदी देखील वापरु शकता. यासाठी फळे, भाज्या आणि आल्याचा वापर केला जाऊ शकतो. यामुळे पोट भरलेले राहाते. तसेच वजन कमी होण्यासाठी मदत होते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा