सध्याचं वातावरण पाहता अनेक आजार आपल्या मागे लागू शकतात. काही प्रमाणात पाऊस असल्याने डेंग्यू किंवा मलेरियासारखे गंभीर आजार होण्याचा धोका वाढला आहे. गेल्या काही दिवसांमध्ये शहरात पुन्हा एकदा डेंग्यूचे रूग्ण सापडत असल्याचं समोर आलंय. यामध्ये प्लेटलेट्स कमी होऊ लागतात.
तज्ज्ञांच्या म्हणण्यांनुसार, डेंग्यूचा ताप जीवघेणा देखील ठरू शकतो. त्यामुळे या आजाराच्या लक्षणांकडे दुर्लक्ष करून चालणार नाही. याची नेमकी लक्षणं काय आहेत, ती जाणून घेऊया.
डेंग्यूचं निदान झाल्यानंतर रूग्णाच्या शरीरातील प्लेटलेट्सचा काऊंट वेगाने कमी होताना दिसतो. हे डेंग्यूच्या आजाराचं गंभीर लक्षण मानलं जातं. त्यामुळे डेंग्यूची लागण झाल्यानंतर प्लेटलेट्सच्या संख्येवर नजर ठेवणं गरजेचं असतं.
प्लेटलेट्स हे आपल्या रक्तात असणारे छोटी ब्लड सेल्स असतात. मुळात या ब्लड सेल्स आपल्या डोळ्यांना दिसत नाहीत, मात्र त्यांचं महत्त्व भरपूर असतं. कोणत्याही प्रौढ किंवा हेल्दी व्यक्तीच्या शरीरातील प्लेटलेट्सची संख्या 1,50,000 ते 4,50,000 प्लेटलेट्स/ मायक्रोलीटर असते. ज्यावेळी रूग्णाला डेंग्यूची लागण होते, तेव्हा यांची संख्या कमी होऊ लागते.
डेंग्यूची समस्या मच्छर चावल्याने होऊ शकते. यावेळी मच्छर चावल्यानंतर काही दिवसांत रूग्णाला ताप येतो. याशिवाय पुढे दिलेली लक्षणं रूग्णामध्ये दिसून येतात.
लघवीमध्ये रक्तस्राव होणं
उल्टी करताना रक्त प़डणं
नाक आणि हिरड्यांमधून रक्तस्राव होणं
अचानक थकवा येणं
तीव्र डोकेदुखी
जॉईंट्समध्ये वेदना होणं
डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.