Travel Destination: हनीमूनला जाण्याचा प्लान करताय? स्वस्तात मस्त या देशांना द्या भेट

Budget Friendly HoneyMoon Destination:

हिवाळ्याचे दिवस आहेत. या दिवसात बाहेर फिरायला जायला सर्वांनाच आवडते. मस्त थंडीत निसर्गरम्य ठिकाणी भेट देण्याची मज्जा काही वेगळीच असते. तुम्हीही जर कुठे बाहेर फिरायला जाण्याचा प्लान करत असाल तर जगातील या देशांना तुम्ही नक्की भेट देऊ शकता.

जगात अनेक देश निसर्गाने समृद्ध आहेत. येथे तुम्ही हनिमून असो किंवा प्री वेडिंग शूटसाठी नक्की भेट देऊ शकता. अगदी कमी पैशात तुम्ही या ठिकाणी भेट देऊ शकता. बजेट फ्रेंडली ठिकाणे आम्ही तुम्हाला सांगणार आहोत.

मोरोक्को (Morocco)

मोरोक्को हा आफ्रिकेतील सुंदर देश आहे. येथे फिरायला जाण्याचा तुम्ही नक्की प्लान करु शकता. उंच पर्वत, वाळवंट अशा वातावरणात तुम्हाला नक्कीच मज्जा येईलय ेथील सहारा वाळवंट, माराकेश, एसाओइरा, कॅसाब्लांका, शेफचाउएन, टँजियरला या ठिकाणी भेट देऊ शकता.

श्रीलंका (Sri Lanka)

श्रीलंका भारत देशाच्या जवळच आहे. येथे तुम्ही हनिमूनसाठी जाण्याचा प्लान करु शकता. येथे तुम्ही सर्फिंग, कयाकिंग, वाटरस्कीइंग, स्कूबा डायविंग अशा अनेक अॅक्टिव्हिटिज करु शकता. येथील नैसर्गिक सौंदर्य तुम्हाला नक्कीच आवडेल. श्रीलंका नैसर्गिक सौंदर्यासाठी प्रसिद्ध आहे. येथील समुद्रकिनारे खूप जास्त सुंदर आहेत.

तुर्की (Turkey)

तुर्की हा खूप सुंदर देश आहे. अगदी स्वस्त देशांपैकी एक देश म्हणून तुर्की देश ओळखला जातो. हा देश फक्त हनिमूनसाठी नव्हे तर प्री वेडिंग शूटसाठी प्रसिद्ध आहे. येथील समुद्रकिनारे खूप सुंदर आहेत. येथील सुर्यास्ताचा नजारा खूप सुंदर असतो.

इंडोनेशिया (Indonesia)

इंडोनेशिया हा खूप शांत आणि सुंदर देश आहे. अगदी स्वस्तात तुम्ही हा देश फिरु शकता. १७ हजार बेटांनी वसलेला हा देश खूप सुंदर आहे. येथे तुम्ही खूप प्रेक्षणीय स्थळांना भेट देऊ शकतात. येथी खाद्यपदार्थ, संस्कृती आणि कला पर्यटकांना नेहमी आकर्षित करतात.