Weight Loss : दिवाळीचा फराळ खाऊन वजन वाढलंय? मग ५ दिवसांचा डाएट प्लान करा फॉलो, फिगर पाहून व्हाल चकित

दिवाळी म्हटलं की फराळ, मिठाई, चकली, लाडू, करंजी, चिवडा आणि इतर स्वादिष्ट पदार्थांची मेजवानी आलीच! सणाच्या दिवसांत अनेकदा नेहमीपेक्षा जास्त खाणं होतं. तसेच व्यायामाकडेही दुर्लक्ष होतं. त्यामुळे काही जणांना पोट फुगल्यासारखं वाटणं, शरीर जड होणं किंवा वजनात तात्पुरती वाढ झाल्याचं जाणवू शकतं.अशावेळी वजन कमी करण्यासाठी संतुलित आहार, पुरेसं पाणी आणि नियमित हालचाल यांमुळे पुन्हा आरोग्यदायी दिनचर्या सुरू करता येते. यासाठी पाच दिवसांचा सोपा आणि पौष्टिक डाएट प्लान जाणून घ्या.

५ दिवसांचा हेल्दी डाएट प्लॅन

पहिला दिवस

• सकाळी: कोमट पाणी आणि एक फळ.

• नाश्ता: भाज्यांचा पोहा किंवा मूग डाळीचे चिल्ले.

• दुपारचे जेवण: दोन पोळ्या, डाळ, भाजी आणि कोशिंबीर.

• सायंकाळी: ताक किंवा मूठभर भाजलेले चणे.

• रात्रीचे जेवण: मूग डाळ खिचडी आणि दही.

दुसरा दिवस – फायबरयुक्त पदार्थ

• सकाळी: पाणी आणि एक सफरचंद किंवा पेरू.

• नाश्ता: भाज्यांचा उपमा किंवा ओट्स.

• दुपारचे जेवण: भाकरी किंवा पोळी, मिक्स व्हेज भाजी, डाळ आणि कोशिंबीर.

• सायंकाळी: भाजलेले मखाणे किंवा चणे.

• रात्रीचे जेवण: भाज्यांचे सूप आणि पनीर किंवा मूग डाळीचा पदार्थ.

तिसरा दिवस – प्रोटीनयुक्त आहार

• सकाळी: भिजवलेले बदाम आणि एक फळ.

• नाश्ता: मूग डाळीचे चिल्ले किंवा अंड्याचे ऑम्लेट.

• दुपारचे जेवण: पोळी, डाळ, पनीरची भाजी आणि कोशिंबीर.

• सायंकाळी: साधे दही किंवा भाजलेले चणे.

• रात्रीचे जेवण: भाज्यांची खिचडी किंवा डाळीसोबत भाजी.

चौथा दिवस – हलका- संतुलित आहार

• सकाळी: पाणी आणि पपई किंवा मोसंबी.

• नाश्ता: इडली-सांबार किंवा भाज्यांचे पोहे.

• दुपारचे जेवण: पोळी, पालकाची भाजी, डाळ आणि कोशिंबीर.

• सायंकाळी: ताक किंवा फळ.

• रात्रीचे जेवण: डाळीचे सूप, भाजी आणि पोळी.

पाचवा दिवस

• सकाळी: पाणी आणि एक फळ.

• नाश्ता: थालीपीठ किंवा भाज्यांचे चिल्ले.

• दुपारचे जेवण: पोळी, डाळ, भाजी, कोशिंबीर आणि दही.

• सायंकाळी: मूठभर सुका मेवा किंवा भाजलेले चणे.

• रात्रीचे जेवण: मूग डाळ खिचडी किंवा भाज्यांचा पुलाव.

वजन नियंत्रणात ठेवण्यासाठी 'या' ५ गोष्टी लक्षात ठेवा

• दिवसभर नियमित पाणी प्या. तहान, हवामान आणि शारीरिक हालचाल यानुसार पाण्याचे प्रमाण ठेवा.

• काही दिवस मिठाई, बेकरी पदार्थ, शीतपेये आणि जास्त तेलकट पदार्थ टाळण्याचा प्रयत्न करा.

• दररोज ३० मिनिटे चालणे किंवा आपल्या क्षमतेनुसार हलका व्यायाम करा.

• रोज साधारण ७ ते ९ तास झोप घेण्याचा प्रयत्न करा. झोपेचा अभाव भूक आणि खाण्याच्या सवयींवर परिणाम करू शकतो.

• जेवण टाळण्याऐवजी योग्य वेळेत संतुलित आहार घ्या. भूक लागल्यास फळे, दही किंवा भाजलेले चणे खाऊ शकता.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.