भारताची स्टार कुस्तीपटू विनेश फोगाटने ६ ऑगस्ट रोजी पॅरिस ऑलिम्पिक २०२४ मध्ये उपांत्य फेरीत स्थान मिळवले. विनेशने महिला कुस्ती ५० किलो गटाच्या प्री-क्वार्टर फायनल आणि क्वार्टर फायनलमध्ये चमकदार कामगिरी केलीय.
प्री-क्वार्टर फायनलमध्ये तिने प्रथम विश्वविजेता आणि गतविजेता युई सुसाकीचा पराभव केला. विनेश जपानच्या सुसाकीला पराभूत करणारी जगातील पहिली महिला कुस्तीपटू ठरलीय.
यानंतर उपांत्यपूर्व फेरीत विनेशचा सामना माजी विश्वविजेती युक्रेनच्या ओक्साना लिवाचसोबत झाला होता. यामध्ये तिने चमकदार कामगिरी करत सामना जिंकला. विनेश फोगाटचे नाव आघाडीच्या महिला कुस्तीपटूंमध्ये गणले जाते.
विनेश भारतीय कुस्तीपटूंपैकी एक आहे. तिचा जन्म २५ ऑगस्ट १९९४ रोजी हरियाणातील भिवानी जिल्ह्यातील बलाली गावात झाला होता. तिचं घराणं कुस्तीपटूंचं होतं.
विनेश नऊ वर्षांची असताना तिच्या वडिलांचं निधन झालं होतं. विनेशचे काका महावीर सिंग फोगाट यांच्याकडून विनेशने कुस्तीचे प्रशिक्षण घेतले. ते महिला कुस्तीपटू गीता आणि बबिता फोगाट यांचे वडील आहेत.
विनेशने रिओ ऑलिम्पिक २०१६ मध्ये महिलांच्या ४८ किलो फ्रीस्टाइल प्रकारात पदार्पण केलं होतं. यानंतर विनेश फोगाटने टोकियो ऑलिम्पिक २०२० साठी पात्रता मिळवली होती.
विनेश फोगाटने आतापर्यंत जागतिक स्तरावर कुस्तीमध्ये अनेक पदके आणि रेकॉर्ड जिंकले आहेत. कॉमनवेल्थ गेम्स आणि आशियाई गेम्समध्ये सुवर्णपदक जिंकणारी विनेश पहिली भारतीय महिला कुस्तीपटू आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.