Thursday Horoscope : मनस्ताप वाढणार, हातून चुका घडणार; 'या' राशीच्या लोकांना अडचणीचा काळ टाळून पुढे जावे लागणार

आजचे पंचांग

गुरुवार,१८ सप्टेंबर २०२५,भाद्रपद कृष्णपक्ष,द्वादशी श्राध्द,संन्यासिनां महालय,गुरुपुष्यामृत.

तिथी-द्वादशी २३|२५

रास- कर्क

नक्षत्र-पुष्य

योग-शिव

करण-कौलव

दिनविशेष-उत्तम दिवस

मेष - आज गुरुपुष्यामृत योग आहे. घरामध्ये नव्याने खरेदी करणारा असाल तर दिवस चांगला आहे. सुवर्ण खरेदी आणि गुंतवणुकीसाठी उत्तम दिवस आहे. कुटुंबीयांच्या सहकार्यामुळे पुढे जावे. दिवस आनंदी आहे.

वृषभ - व्यवसायामध्ये भाग्यकारक घटना घडतील. करिअरमध्ये अडचणी आल्या तरी नेटाने पुढे जाल. भावंड सौख्य उत्तम आहे. विशेषतः बहिणीच्या प्रेमाने सुखावून जाल.

मिथुन - सोने खरेदी आणि गुंतवणुकीसाठी आजचा दिवस आपल्या राशीला उत्तम आहे. आज गुरुपुष्यामृत योग, आजच्या योगावर केलेली सुवर्ण खरेदी ही भरभराटीची ठरते. धनाची आवक जावक चांगली राहील.

कर्क - काही नव्या गोष्टी आणि ध्येय मनात घेऊन आजचा दिवस प्रगतीपथावर नेणार आहे. स्वतःच्या आनंदासाठी करण्यात येणाऱ्या गोष्टी प्राधान्य क्रमाने कराल. घरी पाहुण्यांचे आगमन होईल. आपल्याकडून आदरातिथ्य सुद्धा चांगले होईल.

सिंह - इतरांसाठी जीव झिजवावा लागेल. काही गोष्टी आपल्या चुका नसताना सुधाराव्या लागतील. मनस्ताप वाढवणाऱ्या गोष्टी घडतील. खर्चात सुद्धा वाढ होईल. काळजी घ्यावी.

कन्या - मैत्रीचे आहे बंद पक्के होतील. हिशोब ठेवून कामे कराल. अनेक लाभ आज मिळणार आहेत. स्नेहभोजनाचे योग येतील. आनंदी असा दिवस आहे.

तूळ - कामासाठी प्रवास घडतील. प्रवासातून पुढील नवीन कामे मिळतील. उत्साहाना भरते येईल. सहकारी आणि वरिष्ठ दोघांच्या मदतीने प्रगतीची पायवाट कराल. दिवस चांगला आहे.

वृश्चिक - कुलस्वामिनीची उपासना करावी. भाग्यदायक घटना घडणार आहेत. सोन्याच्या खरेदी मधून वृद्धी दिसून येत आहे. लांबचे प्रवासही घडतील गुरुपुष्यामृतासारखा शुभ योग उपासनासाठी सुद्धा आज फायद्याचा ठरेल.

धनु - अडचणीचा काळ टाळून पुढे जावे लागेल. येणारे सगळे दिवस सारखे नसतात हे लक्षात घ्या. तब्येतीची काळजी घ्यावी लागेल. मात्र धन योगाच्या दृष्टीने दिवस चांगला आहे.

मकर- जोडीदाराबरोबर आयुष्याचे पुढील नियोजन कराल. दिवस मनासारख्या घटना घडवणार आहे. पण त्याचबरोबर कष्ट आणि मेहनत ही आज करावी लागेल. कोर्टाच्या कामात विशेष यश मिळेल.

कुंभ - आपलीच माणसे आपल्या पाठीत खंजीर खुपसत आहेत अशी भावना होईल. ज्यांना आपले म्हटले तेच गुप्त शत्रूंसारखी कामे करतील. सावधगिरीने आजची महत्त्वाची कामे करावीत. असा सल्ला आहे.

मीन - दत्तगुरूंची उपासना करावी. आज गुरुपुष्यामृत योग. आपल्या राशीला सोन्याच्या वस्तू खरेदी करणे विशेष लाभदायक ठरणार आहे. उपासनेला दिवस उत्तम आहे. संतती सुवार्ता कानी येतील. काळजी नसावी.