Horoscope Today : वाईट काळ भूतकाळात जमा होईल; ५ राशीच्या लोकांना मिळणार मोठं यश, वाचा गुरुवारचं राशीभविष्य

आजचे पंचांग

गुरुवार,१० एप्रिल २०२५,चैत्र शुक्लपक्ष,प्रदोष,

महावीर जयंती .

तिथी-त्रयोदशी २५|०१

रास-सिंह १९|०५ नं. कन्या

नक्षत्र-पूर्वा

योग-वृद्धि

करण-कौलव

दिनविशेष-उत्तम दिवस

मेष - सृजनशीलता वाढती राहील. एक वेगळी कामाची खुमखुमी दाटेल. नियोजित कामे घडतील. गणेश उपासना विशेष फलदायी ठरेल. दिवस चांगला आहे .

वृषभ - सुखाच्या हिंदोळ्यावर झोके घ्याल. दिवस आनंदाने भरलेला आहे. आपल्या सख्या, चांगल्या, जवळच्या लोकांच्याकडून आपुलकीची भावना मिळेल. त्यामुळे मनस्वास्थ चांगले राहील.

मिथुन - भावंडे सौख्य चांगले मिळेल. प्रवासातून फायदा होईल. सन्मान, पारितोषिक अशा आवडीच्या गोष्टी आज यशाची माला पडेल. दिवस चांगला आहे.

कर्क - धनधान्याची मुबलकता आहे. कुटुंबीयांबरोबर आनंदी क्षण साजरे कराल. दीर्घ मुदतीच्या ठेवी, सुवर्ण, अलंकार यांचे हिशोब यामध्ये आज दिवस व्यस्त राहील.

सिंह - आत्मविश्वासाने कामाला लागाल. सुयोग्य आणि सुनियोजित दिवस असेल. आपल्या प्रभावामुळे समोरचे लोक आपल्यावर फिदा होतील. काहीतरी नवीन गोष्टी शिकण्याची उर्मी येईल.

कन्या - जीवनाची वाट खडतर असेल तरी त्यातून सहज मार्ग काढाल. प्रेमामध्ये फसवणुकीची दाट शक्यता आहे. मनस्वास्थ्य तोळा मासा राहील.

तूळ - शेजारी आपल्या वागण्यामुळे प्रभावित होतील. गुंतवणुकीतून लाभ होईल. पैशाचे व्यवहार सुरळीत होतील. दिवस चांगला आहे.

वृश्चिक - कामाचे कामाचे स्वरूप अचानक कलाटणी घेईल. पण येणाऱ्या गोष्टीला निधड्या छातीने पुढे जा. सहकारी आपल्या पावलावर पावले टाकतील, एवढी कामे चांगली होतील. समाजकारणात यश आहे.

धनु - सद्गुरु कृपा होईल. मोठ्या प्रवासा मधून फायदा होईल. नातवंडांच्याकडून चांगल्या बातम्या कानावर येतील.भाग्यकारक घटना घडतील.

मकर - अचानक पैसा, धनलाभ आज होईल. जुन्या गोष्टी नव्याने उकरून काढू नका. नातेसंबंध जपण्यासाठी धडपड करावी लागेल. दिवस संमिश्र आहे.

कुंभ - "भले तर देऊ कासेची लंगोटी, नाठाळाच्या माथी मारू काठी" असा आपला स्वभाव आहे. आपल्या मार्गात येणाऱ्या अडचणी खड्यासारख्या दूर कराल. कोर्ट कचेरी मध्ये यश दिसते आहे.

मीन - मामाचे विशेष प्रेम लाभेल. चोरी, चोरी यांपासून काळजी घ्यावी लागेल. महत्त्वाचे ऐवज आणि जिन्नस सांभाळावे लागतील. नोकरीत मात्र प्रगती दिसते आहे.