Monday Horoscope : आयुष्यामध्ये नवीन दिशा अन् नवीन मार्ग मिळणार; ५ राशींच्या लोकांचे नशीब उजळणार

आजचे पंचांग

सोमवार,६ ऑक्टोबर २०२५,अश्विन शुक्लपक्ष,कोजागिरी पौर्णिमा.

तिथी-चतुर्दशी १२|२४

नक्षत्र-उत्तराभाद्रपदा

रास-मीन

योग-वृद्धि

करण-वणिज

दिनविशेष-१२ प.चांगला

मेष - दैनंदिन कामामध्ये काही अडचणी येण्याची शक्यता आहे. खर्चाचे प्रमाण वाढते राहील. कोजागिरी पौर्णिमा जरी असली तरी धावपळीमध्ये आपले महत्त्वाचे ऐवज आणि जिन्नस गहाळ होणार नाही ना याची काळजी घ्या.

वृषभ - आपली मते काय आहेत याविषयी आज ठाम राहाल. तब्येतीच्या तक्रारी कमी होतील. अनेक लाभ मिळण्याचा आजचा दिवस आहे. नातेवाईकांबरोबर मित्र-मैत्रिणींबरोबर आज कोजागिरी पौर्णिमेचा आनंद लुटाल. गुंतवणुकीतून फायदा आहे. धनप्राप्ती उत्तम.

मिथुन- तुमच्या कार्यक्षेत्रात आज प्रगती होई. प्रतिष्ठा लाभेल. एखादे नवीन पद मिळण्याची शक्यता आहे. हि पौर्णिमा आपल्या करिअरला आनंदाची बातमी घेऊन येणार आहे.

कर्क - मनामध्ये अनेक गोष्टी आपण ठरवत असता. पण तसे होईलच अशी शाश्वती नसते.आजची पौर्णिमा तुम्हाला सुवर्ता कानी घेऊन येईल. मनातील इच्छा पूर्ण होतील. तीर्थक्षेत्र भेटीचे योग आहेत. या कोजागिरी पौर्णिमेला विशेष चंद्र उपासना आपल्याला फलदायी ठरेल.

सिंह - पुढील नियोजनाचे काही निर्णय घेणार असाल तर आजचा दिवस फारसा बरा नाही. हे निर्णय शक्यतो उद्यावर ढकला. वाहने जपून चालवावीत. घाई मध्ये एखादे गंडांतर येण्याची शक्यता आहे. अचानक धनलाभ मात्र संभवतो आहे.

कन्या - भागीदारी व्यवसायामध्ये सुयश लाभणार आहे. तुमच्या कार्यक्षेत्रात संधी मिळतील. प्रसिद्धीला मिळेल. कोजागिरी पौर्णिमा ही आपल्या व्यवसायासाठी वृद्धी देणारी आहे. दिवस आनंदी आहे.

तूळ - केलेले श्रम वाया जातील. वेळ आणि पैसा दोन्हीचा उपयोग नाही हे जाणवेल. काही जणांचा मनोरंजनाकडे कल राहील. नोकरीमध्ये धावपळ जाणवेल.

वृश्चिक - मुला मुलींचे प्रश्न मार्गी लागणार आहेत. काही जणांचे वैचारिक परिवर्तन होईल. देवी उपासना, इंद्र उपासना आज आपल्याला फळणार आहे. दिवस उत्तम आहे.

धनु - प्रॉपर्टी आणि गुंतवणुकीचे नवीन प्रस्ताव समोर येतील. मनोबल आणि आत्मविश्वास वाढवणाऱ्या गोष्टी घडतील.कौटुंबिक वातावरण धार्मिक राहील. पाहुण्यांची ऊठबस होईल. दिवस चांगला आहे.

मकर - नातेवाईकांचे सहकार्य मिळेल. शत्रू पिडा नाही. शेजारील व्यक्तींकडून फायदा होईल. छोटे प्रवास घडतील. पौर्णिमा आपल्याला पराक्रमाचा मुकुट देईल.

कुंभ - व्यवसायामध्ये वाढ होईल. कौटुंबिक जीवनामध्ये आनंद साधाल. थोड्याफार कटकटी जोडीदाराच्या तब्येतीची निगडीत असू शकतात. एखादा सण असल्यास प्रमाणे घरी पौर्णिमेचा जागर होईल. दिवस चांगला आहे. रात्र धनदायी आहे.

मीन - घरी पौर्णिमेप्रमाणे मन प्रफुल्लित ठेवणारा आजचा दिवस आहे. आयुष्यामध्ये नवीन दिशा नवीन मार्ग मिळणार आहेत. जोडीदाराची सुद्धा उत्तम प्रकारे साथ मिळाल्यामुळे दुधात साखर असा दिवस आहे.