Monday Horoscope : जुने मित्र भेटणार, शत्रूंवर मात कराल; ५ राशींच्या लोकांच्या जुन्या गोष्टी नव्याने जुळून येतील

पंचांग

सोमवार,१७ नोव्हेंबर २०२५,कार्तिक कृष्णपक्ष.

तिथी-त्रयोदशी (अहोरात्र)

रास-कन्या १५|३५ नं. तुला

नक्षत्र-चित्रा

योग-प्रीतियोग

करण-गरज

दिनविशेष-वृद्धितिथी

मेष - कर्मचारी वर्गाचे सहकार्य लाभणार आहे. आपले कोण परके कोण ओळखून पुढे जा. मात्र हित शत्रूंवर मात कराल. आजोळी संबंध दृढ होतील.

वृषभ - मुला मुलींचे प्रश्न आज मार्गी लागतील. आर्थिक क्षेत्रात नव्याने धाडस करायला हरकत नाही. लक्ष्मीची विशेष कृपा आज तुमच्यावर राहील. कलाक्षेत्रात घोडदौड होईल.

मिथुन - तुमच्या क्षेत्रांमध्ये सुसंवाद साधाल. प्रॉपर्टीचे सौख्य लाभणार आहे. नव्याने वस्तू खरेदी करण्यासाठी दिवस आज सुदिन आहे म्हणायला हरकत नाही.

कर्क - जिद्द आणि चिकाटी घेऊन कामामध्ये कार्यरत रहाल. नोकरी व्यवसायात समाधानकारक स्थिती राहील. नवनवीन संधी आज आपल्या आयुष्यात येणार आहेत.त्याचे सोने करा.

सिंह - इतरांवर आपली पगडा राहील. आपला पगडा राहील. मात्र तसेच जबाबदारीने कुटुंबीयांसाठी कामे करावी लागतील. मेहनतीला पर्याय नसेल पण एक वेगळा आनंद आज मिळेल. कुटुंबात रमाल.

कन्या - आपली बौद्धिक तसेच अर्थतत्वाची असणारी रास आहे. आर्थिक लाभाचे आज प्रमाण मनाप्रमाणे, समाधानकारक राहील. जुनी येणी वसूल होणार आहेत. दिवस मनासारखा जाईल.

तूळ - महत्त्वाची कामे शक्यतो दुपारनंतर उरकून घ्या. विनाकारण खर्च वाढणार आहेत. आरोग्याच्या तक्रारी जाणवतील. ध्यानीमनी नसताना पुढे अडचणी उभ्या राहतील. दिवस संमिश्र आहे.

वृश्चिक - प्रियजनांचा सहवास लाभेल. दिवस चांगला जाईल. नव्याने हितसंबंध निर्माण होणार आहेत. थोडी आपल्या स्वभावाला मुरड घातली तर जुन्या गोष्टी सुद्धा नव्याने जुळून येतील. धनलाभ उत्तम.

धनु - वरिष्ठांच्या सहकार्याने पुढे जाल. शासकीय कामे सुद्धा मार्गी लागतील. मनाची दोलायमान अवस्था टाळणे आज गरजेचे आहे. कर्म प्रधान ठेवून कामे करावीत.

मकर - मानसिक स्वास्थ आणि समाधान लाभून प्रगतीचे योग आज सहज जुळून येणार आहेत. भाग्याची दालने खुली होतील. आरोग्याच्या तक्रारी कमी होतील. सद्गुरूंचे विशेष आशीर्वाद आज लाभतील.

कुंभ - अडीअडचणींना कारण लागत नाही. खर्चाचे प्रमाण वाढते राहील. वाहने जपून चालवावीत. आपण सावधगिरीने कामे करणे आज गरजेचे आहे. इतरांना दोष देऊन उपयोग नाही.

मीन - तुमचा इतरांवर प्रभाव राहील. जोडीदाराचा सल्ला आज लाभदायक ठरेल. काही गोष्टी इतरांच्या सल्ल्याने गेल्याने फायदा होतो हे आज जाणवेल. कोर्टाच्या कामात मनासारखे यश मिळेल.