Monday Horoscope : ५ राशींच्या लोकांच्या संसारात वाढणार गोडी गुलाबी; तर काहींचे होणार मतभेद, वाचा सोमवारचं राशीभविष्य

आजचे पंचांग

सोमवार,८ सप्टेंबर २०२५,भाद्रपद कृष्णपक्ष,ग्रहण करिदिन,प्रतिपदा श्राद्ध.

तिथी- प्रतिपदा

रास-कुंभ १४|२९ नं. मीन

नक्षत्र-पूर्वभाद्रपदा

योग-धृति ०६|३०

शूल २७|२०

करण-बालव

दिनविशेष- करिदिन

मेष - प्रेमाच्या बाबतीत जोडीदाराचे काय म्हणणे आहे हे आज ऐकून घेणे गरजेचे आहे. कदाचित मतभेद होण्याची शक्यता आहे. धन योगाला मात्र दिवस उत्तम आहे. गुंतवणुकीतून लाभ आहेत.

वृषभ - कलाकारांना दिवस सुसंधी घेऊन आलेला आहे. नवनवीन कल्पनेच्या भराऱ्या आज कामात वेगळेपण आणतील. प्रवासाच्या दृष्टीने दिवस चांगला आहे.

मिथुन - भाग्यकारक घटनांचा कालखंड असा आजचा दिवस आहे. विष्णू उपासना दमदार फळे देणार आहे. तीर्थक्षेत्रे भेटी होतील. मोठे प्रवास होतील. मनोकामना पूर्ण होणार आहेत.

कर्क - "नकटीच्या लग्नाला सतराशे साठ विघ्न" असा काहीसा आज दिवस आहे. काम करायला घेतलं की अडथळे हे ठरलेलेच आहेत. मानसिकता आणि भावनिकता सकारात्मक ठेवून आव्हाने पेलून घ्या.

सिंह - जोडीदाराची आरती ओवाळावी लागेल. कितीही केलं तरी "सुसरबाई तुझीच पाठ माऊ" आज तिला समजून घेतल्यास संसारात गोडी गुलाबी राहील. अनेक जबाबदाऱ्या आणि पुढाकार घेऊन कामे करावी लागतील.

कन्या - पोटशुळ्चे त्रास, मानसिक ताण, तणाव अशा काही गोष्टी आज वाट्याला येणार आहेत." थकून जा पण वाकून जाऊ नका" हेही क्षण जातील अशी सकारात्मकता बाळगा. दिवस संमिश्र आहे.

तूळ - प्रेमामध्ये गुलाबी रंग बहरणार आहेत. एक वेगळी उमेद घेऊन कामे कराल. कला, क्रीडा क्षेत्र इतर व्यावसायिक गोष्टींसाठी आजचा दिवस "चेरी ऑन द टॉप" असा असणार आहे.

वृश्चिक - आपली मंगळ प्रधान असणारी रास. आज जागा खरेदी विक्रीच्या व्यवहारांमध्ये विशेष फायदा होईल. वेगवान वाहनावर चांगली मांड बसेल. वाहन सौख्याच्या दृष्टीने दिवस चांगला आहे.

धनु - "आईये पधारीये"असा काहीसा सन्मान आपल्याला आज मिळणार आहे. आपल्या जवळच्या लोकांकडून वेगळीच प्रशंसा शाब्बासकीची थाप मिळाल्यामुळे ऊर भरून येईल. पुढील कामाला उत्तम गती मिळेल.

मकर - "थेंबे थेंबे तळे साचे" ही म्हण आज आपल्याला लागू होणार आहे. पैशाने पैसा जोडा. चिकटपणा हा आपल्या राशीचा आज असणारा गुण शुभ ठरणार आहे. कामामध्ये व्यस्तता राहील.

कुंभ - नवे काहीतरी सातत्याने करण्याचा अट्टाहास आज पूर्णत्वाला जाणार आहे.संशोधनात्मक कार्यात गती मिळेल. आरोग्य उत्तम राहील. नियोजित कार्य मनासारखी घडतील.

मीन - व्यवसायामध्ये अडथळे आणि अडचणी येतील. सोप्या गोष्टी अवघड ठरतील. महत्त्वाच्या ऐवज यांना सांभाळा. विशेष करून आज आपल्या राशीला बंधन योग आहेत. काळजी घ्या.