Viprit Rajyog 2025: 30 वर्षांनंतर मार्गी शनी बनवणार विपरीत राजयोग; 'या' राशींना मिळणार नवे उत्पन्नाचे स्त्रोत

वैदिक ज्योतिषशास्त्रानुसार, शनीला सर्वात प्रभावी ग्रह मानलं जातं. याचं कारण म्हणजे तो एका राशीत सुमारे अडीच वर्षे राहतो. शनी ग्रहाला पुन्हा त्याच राशीमध्ये यायला जवळपास ३० वर्ष लागतात. सध्या शनि मीन राशीत वक्री अवस्थेत आहे आणि तो नोव्हेंबरपर्यंत तसाच राहणार आहे. २८ नोव्हेंबर रोजी सकाळी ९ वाजून २० मिनिटांनी शनी मार्गी होणार आहे. शनि मार्गी झाल्यानंतर सिंह राशीत 'विपरीत राजयोग' तयार होणार आहे.

केव्हा तयार होतो विपरीत राजयोग?

विपरीत राजयोग तेव्हा तयार होतो ज्यावेळी एखाद्या व्यक्तीच्या कुंडलीतील सहावा, आठवा किंवा बारावा भावाचा स्वामी त्या भावांमध्येच गोचर करतो. सध्या शनि सिंह राशीत सहाव्या भावाचा स्वामी असून आठव्या भावात गोचर करणार आहे. त्यामुळे या स्थितीमुळे ‘विपरीत राजयोग’ तयार झाला आहे. यामध्ये काही राशी अशा आहेत, ज्यांना याचा फायदा होणार आहेत, या राशी कोणत्या आहेत ते पाहूयात.

सिंह रास (Leo)

शनि हा या राशीतील सहावा आणि सातवा भावाचा स्वामी असून सध्या आठव्या भावात मार्गी होणार आहे. या राशींच्या आयुष्यात दीर्घकाळ चाललेले संघर्ष संपण्याची शक्यता आहे. करिअर, व्यवसाय, नोकरी अशा क्षेत्रात अचानक प्रगती होण्याचे योग आहेत. शनिची दृष्टि कर्म भावावर असल्यामुळे कार्यस्थळी नवे संधी आणि आर्थिक उन्नती मिळू शकणार आहे.

मिथुन रास (Gemini)

या राशीसाठी शनि नवव्या भावात मार्गी होणार आहे आणि त्यामुळे नशिबाची पूर्ण साथ मिळू शकणार आहे. नोकरी करणाऱ्यांसाठी हा काळ अतिशय लाभदायक ठरणार आहे. तु्म्हाला मोठ्या प्रोजेक्ट्सची जबाबदारी मिळू शकते. पदोन्नती आणि पगारवाढीची शक्यता जास्त आहे.

तूळ रास (Libra)

या राशीच्या सहाव्या भावात शनी मार्गी होणार आहे. आर्थिकदृष्ट्या हा काळ लाभदायक ठरू शकणार आहे. उत्पन्नात वाढ होऊ शकते आणि आयुष्यात आनंदाचे क्षण येऊ शकतात. कामाच्या ठिकाणी मेहनतीमुळे तुमचं स्थान मजबूत होऊ शकणार आहे. आरोग्याच्या बाबतीतही जुने त्रास कमी होण्याची शक्यता आहे.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत