Marathi Serial Update : तुमच्या आवडत्या मालिका नवीन वेळेत, आताच वेळापत्रक नोट करा

मराठी मालिका कायमच प्रेक्षकांचे भरपूर मनोरंजन करतात. सध्या अनेक मालिकांमध्ये रंजक वळण पाहायला मिळत आहे. तसेच काही नवीन मालिका देखील प्रेक्षकांच्या भेटीला येत आहेत. त्यामुळे चाहते मालिका पाहण्यासाठी खूप उत्सुक आहेत. मात्र आता मालविका विश्वासातून मोठी अपडेट समोर आली आहे. तुमच्या आवडत्या मालिकांच्या वेळा बदलण्यात आल्या आहेत.

'झी मराठी' वाहिनीने नुकतीच एक खास पोस्ट करून मालिकांच्या वेळ बदलल्याची माहिती प्रेक्षकांना दिली आहे. यात 'झी मराठी'वरील लोकप्रिय तीन मालिकांचा समावेश आहे. 'लाखात एक आमचा दादा' (Lakhat Ek Aamcha Dada) , 'सावळ्याची जणू सावली' (Savalyachi Janu Savali ) ,'पारू' (Paaru ) या मालिकांच्या वेळा बदलण्यात आल्या आहेत. या तिन्ही मालिका आता तुम्हाला नवीन वेळेत पाहायला मिळणार आहे. नवीन वेळा कोणत्या जाणून घेऊयात.

मालिकांचे नवीन वेळापत्रक

• लाखात एक आमचा दादा : 6 PM

• सावळ्याची जणू सावली : 6.30 PM

• पारू : 7 PM

'लाखात एक आमचा दादा', 'सावळ्याची जणू सावली','पारू' या तिन्ही मालिका वरील वेळेत 11 ऑगस्टपासून पाहायला मिळणार आहे. 11 ऑगस्टपासून दोन नवीन मालिका प्रेक्षकांच्या भेटीला येत असल्यामुळे वरील मालिकांची वेळ बदल्यात आली आहे. 'वीण दोघांतली ही तुटेना' आणि 'तारिणी' या दोन मालिका नव्या सुरू होणार आहे. 'वीण दोघांतली ही तुटेना' मालिकेत तेजश्री प्रधान आणि सुबोध भावे मुख्य भूमिकेत दिसणार आहेत. 'तारिणी' मालिकेत शिवानी सोनार मुख्य भूमिकेत दिसणार आहे.

नवीन मालिकांच्या वेळा

• वीण दोघांतली ही तुटेना - 7.30 PM

• तारिणी- 9.30 PM