Veen Doghantali Hi Tutena : स्वानंदीचा अपमान करणाऱ्या सुष्मिताला समरनं खडसावलं, मालिकेत नवा ट्विस्ट | VIDEO

'वीण दोघांतली ही तुटेना' मालिकेत सध्या रोज नवीन ड्रामा पाहायला मिळत आहे. सुष्मिता चलाखीने समरकडून घरातील सर्व अधिकार काढून घेते. मल्लिका सुष्मिताचा वापर करून स्वानंदीच्या विरोधात जाते. तर अंशुमन स्वानंदीला धमकी देतो की, सहा महिन्यात तुझे आणि समरचे नाते तोडणार...अशात आता मालिकेचे नवीन प्रोमो समोर आला आहे. ज्यात समर सुष्मितावर चांगलाच भडकताना दिसत आहे.

मालिकेत पुढे काय घडणार?

आजी समरला फोन करते आणि बोलते की, "सुष्मिताच्या अधिकारांचे काहीतरी कर बाबा...अरे काही करत सुटली आहे ती..." त्यानंतर सुष्मिता मोठ्या आवाजात स्वानंदीला म्हणते की, मला खरंच कंटाळा आला आहे, या सर्व गोष्टींचा..."तू मला सतत डोमिनेट करत आहेस ना की पुढे नोकर बनवून टाकशील मला या घरातलं..." हे सर्व घराच्या दारावर उभा राहिलेला समर ऐकतो आणि बोलतो की, "सुष्मिता, बस झालं...शांत बस...माझ्या बायकोवर आवाज चढवून बोललेले मी खपवून घेणार नाही. माफी माग त्यांची..."

नवीन प्रोमोच्या कॅप्शनमध्ये लिहिलं की, "स्वानंदीचा झालेला अपमान पाहून समर चिडणार..." या व्हिडीवर प्रेक्षक भरभरून कमेंट्स करत आहेत. 'वीण दोघांतली ही तुटेना' मालिकेचे येणारे भाग खूपच मनोरंजक असणार आहे. सुष्मितावर समर भडकतो, त्यामुळे आता मल्लिका आणि अंशुमन स्वानंदी विरोधात नवीन कोणता डाव रचणार हे पाहणे महत्त्वाचे ठरणार आहे. 'वीण दोघांतली ही तुटेना' मालिका झी मराठी वाहिनीवर संध्याकाळी 7:30 वाजता पाहायला मिळते.

समर - स्वानंदी डेट

घरात एकीकडे सुष्मिताचा गोंधळ असताना दुसरीकडे समर-स्वानंदीचे नाते खुलताना दिसत आहे. भरपावसात समर-स्वानंदी निवांत वेळ घालवतात. समर चक्क स्वानंदीसोबत टपरीवर जाऊन चहा पितो. दोघे छान गप्पा मारताना दिसतात. समर - स्वानंदी कायम एकमेकांसाठी उभे राहिलेले दिसत आहेत.