Ram Charan Game Changer Fees : रामचरणच्या 'गेम चेंजर'ची प्रदर्शनापूर्वीच चर्चा, अभिनेत्याने घेतले कोट्यवधींचे मानधन

टॉलिवूड अभिनेता रामचरण 'RRR' नंतर 'गेम चेंजर' चित्रपटामुळे चर्चेत आला आहे. गेल्या अनेक दिवसांपासून या चित्रपटाची चर्चा सुरू आहे. अद्याप चित्रपटाची रिलीज डेट जाहीर झालेली नाही, त्या आधीच चित्रपटाबद्दल वेगवेगळ्या बातम्या समोर येत आहेत. मीडिया रिपोर्टनुसार, अभिनेता रामचरणने चित्रपटासाठी ७० ते ८० कोटी रुपये नाही तर १०० कोटींहून अधिक मानधन स्विकारले असल्याची माहिती मिळत आहे.

प्रदर्शनाच्या आधीपासूनच या चित्रपटाची जोरदार चर्चा सुरू आहे. पॉलिटिकल ॲक्शन थ्रिलर 'गेम चेंजर' चित्रपट टॉलिवूड इंडस्ट्रीतील बिग बजेट चित्रपट आहे. या चित्रपटाचं बजेट ३५० कोटींच्या आसपास आहे. चित्रपटाची शुटिंग गेल्या काही दिवसांपूर्वीच संपली असून सध्या रामचरण सुट्टीचा आनंद लुटत आहे. चित्रपटामध्ये मुख्य भूमिकेत रामचरण आणि कियारा अडवाणी आहे. या चित्रपटासाठी रामचरणने १२५ कोटींचे मानधन स्विकारले आहे. रामचरणचे हे सर्वाधिक मानधन असून कियाराने ही १०० कोटींच्या आसपासच मानधन घेतल्याची चर्चा आहे.

चित्रपटासाठी रामचरणने विशेष मेहनत घेतली आहे. त्याने चित्रपटासाठी खास फिजिकल ट्रान्सफॉर्मेशन केलेलं आहे. जीममध्ये बॉडीसाठी विशेष मेहनत घेत असतानाचे अनेक व्हिडीओही शुटिंग दरम्यान व्हायरल झाले होते. एस. शंकर दिग्दर्शित 'गेम चेंजर' चित्रपट येत्या ऑक्टोबर २०२४ मध्ये रिलीज होण्याची शक्यता आहे. काही दिवसांपूर्वीच चित्रपटाची शुटिंग संपली आहे. सध्या चित्रपटाचं प्री- प्रॉडक्शनचं काम सुरू आहे. या चित्रपटाबद्दल चाहते प्रचंड उत्सुक आहेत.