सध्या सोशल मीडियावर हृतिक रोशनच्या डान्सचा एक व्हिडीओ व्हायरल होत आहे. यात 'धूम 2' चित्रपटाच्या गाण्यावर हृतिक रोशन (Hrithik Roshan) डान्स करताना पाहायला मिळत आहे. मात्र या व्हिडीओतील एका मुलाने सर्वांचे लक्ष वेधून घेतलं आहे. त्यावेळी हृतिक रोशनच्या मागे डान्स करणारा मुलगा हा बॉलिवूडचा प्रसिद्ध अभिनेता होता.
हृतिक रोशनच्या मागे डान्स करणारा मुलगा दुसरा कोणी नसून दिवंगत बॉलिवूड अभिनेता सुशांत सिंग (Sushant Singh Rajput) राजपूत हा आहे. 14 जून 2020 रोजी सुशांतने त्याच्या मुंबईतील अपार्टमेंटमध्ये आत्महत्या केली. त्यांच्या निधनाने संपूर्ण बॉलिवूड हादरले.
सुशांत हा उत्तम डान्सर होता. आपल्या शांत स्वभावाने आणि अभिनयाने त्यांने प्रेक्षकांच्या मनावर राज्य केलं होते. त्यांनी 2006 मध्ये रिलीज झालेल्या सुपरहिट चित्रपट 'धूम 2' (Dhoom 2) च्या टायटल साँगमध्ये डान्स केला आहे. हृतिक रोशनच्या मागे डान्स करताना सुशांत पाहायला मिळत आहेत. पण हृतिकच्या मागे डान्स करणारा हा मुलगा बॉलिवूडचा स्टार बनेल हे तेव्हा कोणाला वाटले नव्हते.
सुशांतने आपल्या अभिनयाच्या जोरावर बॉलिवूडमध्ये खूप लवकर नाव कमावले होते. चित्रपटात येण्यापूर्वी सुशांतने अनेक मालिकांमध्ये काम केले होते. त्याची 'पवित्र रिश्ता' ही सर्वात गाजलेली मालिका आहे. त्यांनी अनेक थिएटर शो देखील केले आहे. तसेच त्यांने चित्रपटांमध्ये बॅकग्राऊंड डान्सर म्हणूनही काम केले.सुशांत सिंग राजपूतने 'काय पो छे' या चित्रपटातून सिनेसृष्टीत पदार्पण केले. त्यानंतर त्यांनी बॉलिवूडच्या अनेक अभिनेत्रींसोबत काम केले आहे. तसेच त्यांनी अनेक हिट चित्रपट देखील दिले आहेत. त्यांचा 'एमएस धोनी :द अनटोल्ड स्टोरी' हा चित्रपट खूप गाजला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.