New Marathi Serial Video : 'आनंदी' लवकरच येतेय तुमच्या भेटीला; 'ही' प्रसिद्ध अभिनेत्री मुख्य भूमिकेत, मालिकेचा प्रोमो पाहिलात का?

प्रेक्षकांचे मनोरंजन करायला आणखी एक नवीन मालिका भेटीला येणार आहे. ही मालिका 'स्टार प्रवाह' वाहिनीवर सुरू होणार आहे. मालिकेचा नुकताच प्रोमो समोर आला आहे. ज्याने सर्वांचे लक्ष वेधून घेतले आहे. सध्या 'स्टार प्रवाह' वाहिनीवरील 'ठरलं तर मग' मालिका चांगलीच चर्चेत पाहायला मिळत आहे. प्रेक्षक मालिकेवर खूपच प्रेम करत आहे. त्यात आता नवीन मालिका येत आहे. ज्यामुळे वाहिनीचा टीआरपी चांगला पाहायला मिळत आहे.

नवीन मालिकेच्या प्रोमोमध्ये पाहू शकता की, तीन बहिणी ब्यूटी पार्लरला येतात. त्यांना आयब्रो करायचे असतात. मालिकेची नायिका व्हिडीओत आयब्रो करताना दिसते. जेव्हा पार्लरची मुलगी त्यांना आरसा दाखवते. तेव्हा त्यांना समजते की, ती मुलगी आंधळी असते. तरी ती खूप आत्मविश्वासाने स्वतःच्या सौंदर्याचे कौतुक करते. आयब्रोचे 50 रुपये होतात म्हणून मालिकेची नायिका बरोबर पाकीटातून 100 रुपये काढून देते. आनंदीचे हे कौशल्य पाहून पार्लरची मुलीला धक्का बसतो. ती पाहतच राहते आणि चुकून पुन्हा 100 ची नोट आनंदीला देते. आनंदी नोटेला हात लावताच समजते की, ही 100 ची नोट आहे. आनंदीची हुशारी पाहून सर्वच थक्क होतात.

नवीन मालिका

स्टार प्रवाह वाहिनीवर नवीन मराठी मालिका सुरू होत आहे. या मालिकेचे नाव 'आनंदी' असे आहे. ही मालिका स्टार प्रवाह वाहिनीवर 16 मार्च 2026 (सोमवार) पासून सुरू होणार आहे. मालिकेची वेळ अद्याप जाहीर झाली नाही. नवीन मालिकेच्या प्रोमोला हटके कॅप्शन देण्यात आले आहे. त्यांनी लिहिलं की, "घेऊन येतेय सुखाची नांदी..."

मालिकेची स्टारकास्ट

'आनंदी' मुख्य भूमिकेत म्हणजे आनंदीच्या भूमिकेत लोकप्रिय अभिनेत्री जाई खांडेकर दिसणार आहे. जाई 'भूमिका' या नाटकामुळे प्रेक्षकांच्या घरात पोहचली आहे. तिला खूप प्रसिद्धी मिळाली आहे. या मालिकेत 'आनंदी'च्या बहि‍णींच्या भूमिकेत दोन प्रसिद्ध अभिनेत्री दिसणार आहेत. पहिली अभिनेत्री म्हणजे 'नवरी मिळे हिटलरला' फेम आलापिनी निसळ होय. चाहते नवीन मालिकेसाठी खूपच उत्सुक आहेत. जाईसोबत मुख्य भूमिकेत कोणता अभिनेता असणार, हे जाणून घेण्यासाठी चाहते उत्सुक आहेत.