Nashibvaan Marathi Serial : तारीख ठरली! 'नशीबवान' मालिका 'या' दिवशी होणार सुरू, वेळ आताच नोट करा

प्रेक्षकांचे मनोरंजन करण्यासाठी नवीन मालिका सज्ज आहेत. अलिकडेच स्टार प्रवाह वाहिनीने दोन नवीन मालिकांची घोषणा केली होती. पहिली 'लपंडाव' आणि दुसरी 'नशीबवान' (Nashibvaan ) या दोन्ही मालिकांचे प्रोमो खूपच भारी आहेत. आता 'नशीबवान' मालिकेची रिलीज डेट आणि वेळ समोर आली आहे. याची खास पोस्ट करण्यात आली आहे.

'नशीबवान' रिलीज डेट

'नशीबवान' मालिका 15 सप्टेंबरपासून सुरू होणार असून सोमवार ते शुक्रवार रात्री 9:00 वाजता स्टार प्रवाह वाहिनीवर पाहता येणार आहे. चाहते मालिका पाहण्यासाठी खूपच उत्सुक असल्याचे दिसत आहे. तर 'लपंडाव' ही मालिक देखील 15 सप्टेंबरपासून दुपारी 2:00 वाजता पाहायला मिळणार आहे.

कोणती मालिका घेणार प्रेक्षकांचा निरोप?

'नशीबवान' मालिका 9:00 वाजता प्रेक्षकांच्या भेटीला येणार असल्यामुळे जुनी मालिका प्रेक्षकांचा निरोप घेणार आहे. स्टार प्रवाह वाहिनीवर सध्या 9:00 वाजता 'थोडं तुझं आणि थोडं माझं' ही शिवानी सुर्वेची मालिका प्रेक्षकांचे मनोरंजन करत आहे. त्यामुळे 'थोडं तुझं आणि थोडं माझं' मालिका संपणार असल्याची चर्चा सोशल मीडियावर रंगली आहे.

'नशीबवान' मालिका

'नशीबवान' मालिकेत लोकप्रिय मराठी अभिनेता अजय पूरकर (Ajay Poorkar) आणि अभिनेत्री नेहा नाईक मुख्य भूमिकेत झळकणार आहेत. नेहा नाईकच्या पात्राचे नाव गिरीजा असे आहे. तसेच अभिनेत्री प्राजक्ता केळकर देखील मालिकेचा भाग आहे. मालिकेत अजय पूरकर खलनायकाची भूमिका साकारणार आहे. नागेश्वर घोरपडे हे त्याच्या पात्राचे नाव आहे. मालिकेत अजय पूरकर यांचे खतरनाक रुप पाहायला मिळणार आहे.