Lapandav Serial: स्टार प्रवाहवर लवकरच सुरू होणार 'लपंडाव'; 'ही' मालिका अखेर घेणार प्रेक्षकांचा निरोप

Lapandav Marathi Serial: स्टार प्रवाह या लोकप्रिय वाहिनीवर लवकरच एक नवी मालिका ‘लपंडाव’ प्रेक्षकांच्या भेटीला येणार असून, तिचा पहिला भाग १५ सप्टेंबरपासून प्रसारित होणार आहे. ही मालिका सध्या चर्चेत आहे कारण तिच्या कथानकात कौटुंबिक नाती, त्यातील प्रेम, गैरसमज, मतभेद आणि त्यातून उभे राहणारे भावनिक चढउतार यांचा सुंदर संगम प्रेक्षकांना अनुभवायला मिळणार आहे.

या मालिकेत रूपाली भोसले, चेतन वडनेर आणि कृतिका देव हे कलाकार प्रमुख भूमिकेत दिसणार आहेत. रूपाली भोसले यामध्ये एका ठाम, आत्मविश्वासू आणि स्पष्टवक्तेपणा असलेल्या भूमिकेत दिसणार आहे. ती या मालिकेत एका जबाबदार, संवेदनशील आणि स्वतःच्या विचारांवर ठाम असलेल्या स्त्रीची भूमिका साकारणार आहेत. चेतन वडनेर याची व्यक्तिरेखा कथानकात रोमांचक वळणे आणेल, तर कृतिका देव यांच्या भूमिकेत गोडवा, निरागसता आणि नात्यांबद्दलची जिव्हाळा दिसून येणार आहे.

‘लपंडाव’ ही केवळ प्रेमकथा नसून, नात्यांमधील सत्य-असत्य, मनातील खेळ, गुपिते आणि एकमेकांवरील विश्वास यांची कसोटी घेणारी कथा आहे. नात्यांमध्ये कधी गोड क्षण येतात, तर कधी गैरसमज निर्माण होतात; हे सर्व एका ‘लपंडाव’च्या खेळासारखे अनपेक्षितपणे घडते, हे या मालिकेच्या शीर्षकातूनच सूचित होते.

याच सह ‘शुभविवाह’ ही मालिका अडीच वर्षांनंतर प्रेक्षकांचा निरोप घेणार असल्याची चर्चा सुरू आहे. त्यामुळे आकाश-भूमीची ही मालिकेचा निरोप होऊन लपंडाव ही मालिके प्रेक्षकांच्या भेटीला येईल हे पाहणे उत्सुकाचे ठरेल.