Marathi Serial Update : लोकप्रिय मराठी मालिका घेणार प्रेक्षकांचा निरोप, अडीच वर्षांचा प्रवास अखेर थांबणार

'स्टार प्रवाह' वाहिनीवर लवकरच दोन नवीन मालिका सुरू होत आहेत. चाहते नवीन मालिकांसाठी खूप उत्सुक असल्याचे पाहायला मिळत आहे. कारण त्यांचे आवडते कलाकार मालिकेत असणार आहे. सप्टेंबर महिन्यात 'लपंडाव' (Lapandav) मालिका सुरू होणार आहे. या मालिकेत प्रेक्षकांची आवडती 'संजना' रूपाली भोसले पाहायला मिळणार आहे. तसेच नुकतीच 'नशीबवान' या नवीन मालिकेची घोषणा करण्यात आली आहे. या मालिकेत 'सुभेदार' चित्रपटात या अभिनेता अजय पूरकर खलनायकाची भूमिका साकारणार आहे.

नवीन मालिका प्रेक्षकांचे मनोरंजन करण्यासाठी सज्ज आहेत. त्याचप्रमाणे काही जुन्या मालिका देखील प्रेक्षकांचा निरोप घेणार आहे. मीडिया रिपोर्टनुसार, लवकरच आकाश-भूमीची मालिका 'शुभविवाह' प्रेक्षकांचा निरोप घेणार आहे. कारण त्याची जागा 'लपंडाव' या नवीन मालिकेने घेतली आहे. 'शुभविवाह' (Shubhvivah) मालिकेने प्रेक्षकांचे तब्बल अडीच वर्ष मनोरंजन केले. ही मालिका 2023ला प्रेक्षकांच्या भेटीला आली होती. मात्र आता 'शुभविवाह' लवकरच संपणार असल्याची चर्चा सोशल मीडियावर रंगली आहे.

'शुभविवाह' मालिका शेवटच्या काळात प्रेक्षकांना जास्त पसंतीस पडली नाही. मालिकेने घेतलेले नवीन वळण पाहून प्रेक्षक खूप नाराज झाले. ज्यामुळे मालिकेला जास्त प्रतिसाद मिळत नाही आहे. त्यामुळे 'शुभविवाह' लवकरच बंद होणार आहे. 'शुभविवाह' मालिकेच्या जागी आता नवीन मालिका 'लपंडाव' पाहायला मिळणार आहे.

'लपंडाव' मालिका

'लपंडाव' मालिका 15 सप्टेंबरपासून सोमवार ते शनिवार दुपारी 2:00 वाजता प्रेक्षकांच्या भेटीला येणार आहे. 'लपंडाव' मालिकेत अभिनेत्री कृतिका देव मुख्य भूमिकेत दिसणार आहे. तर चेतन वडनेरे मालिकेचा हिरो आहे. मालिकेत रूपाली भोसलेला सर्वजण 'सरकार' अशी हाक मारताना दिसत आहे. मालिकेचा हिरो सरकारच्या घरी ड्रायव्हरची नोकरी करत आहे. 'लपंडाव' प्रेक्षकांचे भरपूर मनोरंजन करणार असल्याचे दिसत आहे.