Tharala Tar Mag : अर्जुन-सायलीसमोर येणार 22 वर्षांपूर्वीच्या अपघाताचं सत्य; नागराजचा खेळ संपला, सुमन करणार नवऱ्याचा पर्दाफाश| VIDEO

स्टार प्रवाह वाहिनीवरील लोकप्रिय मालिका 'ठरलं तर मग' सध्या निर्णायक वळणावर पाहायला मिळत आहे. एका मागोमाग एक मोठे खुलासे होताना दिसत आहेत. सर्व प्रथम विलासचा खूण कोणी केला हे समजते. त्यानंतर प्रियाचे सत्य समोर येते. महिपतला पोलीस अटक करतात. तर दुसरीकडे सचिन-साक्षीचे सत्य देखील लवकरच उघड होणार आहे. मात्र सध्या मालिकेत सुमन काकीचा शोध पाहायला मिळत आहे. सुमन काकीचा अर्जुन-सायली शोध घेतात. आता लवकरच रविराजच्या अपघातचे सत्य समोर येताना दिसणार आहे.

'ठरलं तर मग'च्या नवीन प्रोमोमध्ये सुमन काकी खूप हुशारीने नागराजचे सत्य सायली आणि अर्जुनला सांगताना दिसत आहे. 22 वर्षांपूर्वी नागराजनेच रविराज आणि प्रतिमाच्या अपघात घडवून आणल्याचे तो सुमन समोर बोलतो. जे सुमन सर्व रेकॉर्ड करते. सुमन नागराजनेच तिला किडनॅप केले असल्याचे अर्जुन-सायलीला सांगते. त्यानंतर तिघं मिळून प्लान करतात की, सुमनला डोक्यावर परिणाम झाला आहे. जेणेकरून नागराज चूक करेल, तेव्हा सायली आणि अर्जुन त्याला पकडतील आणि शेवटी तसेच होते.

प्रोमोमध्ये तुम्ही पाहू शकता की, नागराज सुमनला बोलतो की, "मीच आहे तो खरा मास्टर माइंड...22 वर्षांपूर्वी रविराज आणि प्रतिमाचा अपघात मीच घडवून आणला होता. जा कोणाला सांगायचं ते सांग. पण, तुझ्यावर कोण विश्वास ठेवणार? मी तर आधीच सांगितले आहे की, तुझ्या डोक्यावर परिणाम झालाय सुमन..."

सुमन हुशारीने मोबाईलवर व्हिडिओ रेकॉर्ड करते आणि अर्जुनला पाठवते. अर्जुन-सायली हे सर्व पाहतात आणि त्यांना मोठा धक्का बसतो. अर्जुनचा तर प्रचंड संताप होतो. आता अर्जुन हुशारीने नागराजला अडकवणार आहे आणि त्याला आपल्या गुन्ह्याची शिक्षा मिळवून देणार आहे. त्यामुळे 'ठरलं तर मग'चे आगामी एपिसोड खूपच मनोरंजक असणार आहे. तसेच नागराजचे सत्य रविराजला समजताच तो काय करतो, हे देखील पाहायला प्रेक्षक आतुर आहेत. 'ठरलं तर मग' मालिका स्टार प्रवाह वाहिनीवर संध्याकाळी 8.30 वाजता पाहायला मिळते.