Famous Actor : "घटस्फोट होत नाही, तोवर अभिनय करणार नाही"; प्रसिद्ध अभिनेता ढसाढसा रडला, काळी जादू केल्याचा बायकोवर आरोप

साऊथ अभिनेता रवी मोहन सध्या त्यांच्या वैयक्तिक आयुष्यामुळे चांगलाच चर्चेत आहे. अभिनेत्याला इंडस्ट्रीत 'जयम रवि' या नावाने ओळखले जाते. शनिवारी चेन्नई येथे झालेल्या पत्रकार परिषदेत अभिनेता खूप भावुक झाले त्याने अनेक गोष्टींचा खुलासा केला. रडत रडत अभिनेता म्हणाला की, "जोवर घटस्फोट होत नाही तोपर्यंत अभिनय करणार नाही..."

अभिनेता रवी मोहन सध्या घटस्फोट घेण्याच्या प्रक्रियेतून जात आहे. त्याच्या बायकोचे नाव आरती असे आहे. रवी मोहन आणि आरती २००९ मध्ये लग्न बंधनात अडकले होते. अभिनेत्याने खुलासा केला की, "अनेक वर्षे विनाकारण सासरच्या मंडळींकडून अपमान आणि छळ सहन करावा लागला..." पुढे करिअरच्या या टप्प्यावर अभिनय का सोडत आहात, असे माध्यमांनी विचारल्यावर रवीने स्पष्ट सांगितले की, गेल्या दोन वर्षांपासून सतत होणारे ट्रोलिंगमुळे मी मानसिकदृष्ट्या खचून गेला आहे. त्यामुळे जोपर्यंत माझा कायदेशीर घटस्फोट होत नाही, तोपर्यंत मी कोणत्याही चित्रपटात काम करणार नाही. ज्या दिवशी माझा घटस्फोट होईल, त्या दिवशी माझे आयुष्य पुन्हा रुळावर येईल. हे सायबरबुलिंग थांबताच मी पुन्हा कॅमेऱ्यासमोर येईन..."

अभिनेत्याने सांगितल्याप्रमाणे, लोक अनेकदा त्याच्या सरळ आणि शांत स्वभावाचा गैरफायदा घेतात, पण आता त्याचा संयम संपला आहे. रवीने असाही दावा केला आहे की, त्याची पत्नी आणि सासरचे लोक त्याला 'गुलाम' म्हणून ठेवत असल्याचे सर्व पुरावे त्याच्याकडे आहेत. रवी मोहनला त्याच्या मुलांना म्हणजे आरव आणि अयान यांनाही भेटू दिले जात नाही.

पत्नीवर काळी जादू केल्याचा आरोप

रवी मोहनने पत्नी आरतीवर अनेक गंभीर आरोप केले. पत्नी आपल्यावर काळी जादू करत असल्याचा दावा अभिनेत्याने केला आहे. त्याला रक्ताच्या उलट्या होत होत्या. यापूर्वीही असे घडले असल्याचे त्याने सांगितले. आरतीने आपल्याला ब्लॅकमेल केल्याचा आरोप करत तो ओरडला. काळी जादूमुळे अभिनेत्याला शारीरिक आणि मानसिक त्रास होत आहे.

रवी मोहनचे करिअर

रवी मोहनने आपल्या अभिनयाने चाहत्यांना वेड लावले आहे. त्याने अनेक सुपरहिट चित्रपटांमध्ये काम केले आहे. रवी मोहन एक दिग्दर्शक आणि निर्माता आहे. तो तमिळ चित्रपटसृष्टीत कार्यरत आहे. २००३ साली प्रदर्शित झालेल्या आणि गाजलेल्या 'जयम' या चित्रपटाद्वारे त्याने आपल्या अभिनय कारकिर्दीची सुरुवात केली. 'एम. कुमारन एस/ओ ​​महालक्ष्मी', 'बोम्मारिल्लू', 'थानी ओरुवन' आणि 'पेरण्मै' हे त्याचे गाजलेले चित्रपट आहे. चाहते अभिनेत्याला पुन्हा एकदा चित्रपटात पाहण्यासाठी उत्सुक आहेत.