मराठीतले दिग्गज अभिनेते डॉ. श्रीराम लागू यांची खास ओळख आहे. त्यांनी आजवर अनेक सुपरहिट चित्रपटांमध्ये काम केले आहे. श्रीराम लागू हे डॉक्टर होते. भारतासह परदेशात ते सक्रिय होते. परंतू वयाच्या ४२ व्या वर्षी त्यांनी अभिनयात पदार्पण केले. डॉ. लागू यांचं शिक्षण पुणे आणि मुंबई या शहरांमध्ये झालं. अभिनयाचा छंद त्यांना लहानपणापासूनच होता. वैद्यकीय शिक्षण घेतानाही त्यांनी हा छंद आवर्जून जोपासला. डॉक्टर झाल्यानंतर त्यांनी काही काळ आफ्रिकेत नोकरी केली. अभिनयाचा छंद त्यांनी तेथेही जोपासला होता.श्रीराम लागू यांनी वैद्यकीय क्षेत्र सोडून अभिनय क्षेत्र का निवडले हे जाणून घेऊया.
श्रीराम लागू हे डॉक्टर होते. मात्र त्यांना लहानपणापासून चित्रपटाची आवड होती. यामुळेच त्यांनी चित्रपटसृष्टीत काम करण्याचे निवडले. श्रीराम लागू यांनी हिंदीसह मराठीतही त्यांच्या अभिनयाचा ठसा उमटवला आहे. माहितीनुसार, श्रीराम लागू यांनी श्रीराम लागू यांनी 20 हून अधिक मराठी नाटकांचे दिग्दर्शन केले आणि ते सुप्रसिद्ध दिग्दर्शकांपैकी एक होते. 'आहट: एक अजीब कहानी' या चित्रपटातून त्यांनी करिअरला सुरुवात केली. हा चित्रपट 1971 साली आला होता.
'नटसम्राट' या नाटकासाठीही श्रीराम लागू यांची आठवण होते. या नाटकात गणपत बेलवलकर यांची भूमिका श्रीराम लागू यांनी केली होती. गणपत बेलवलकर यांची भूमिका मराठी रंगभूमीसाठी मैलाचा दगड मानली जाते. गणपत बेलवलकरांची व्यक्तिरेखा इतकी अवघड होती की ते साकारणारे कलाकार अनेकदा आजारी पडायचे. श्री राम लागू यांच्या बाबतीतही असेच घडले. नटसम्राटमध्ये गणपत बेलवलकर यांची भूमिका साकारल्यानंतर त्यांना हृदयविकाराचा झटका आला.
श्रीराम लागू यांनी बॉलिवूडमध्ये 'पिंजरा', 'मेरे साथ चल', 'सामना', 'दौलत' यांसारख्या अनेक उत्तमोत्तम चित्रपटांमध्ये काम केले. अभिनेता नसीरुद्दीन शाह यांनी एकदा म्हटले होते की, श्रीराम लागू यांचे 'लमन' आत्मचरित्र हे कोणत्याही कलाकारासाठी बायबलसारखे आहे आणि प्रत्येकाने त्यातून शिकले पाहिजे. 1969 मध्ये ते मराठी रंगभूमीशी पूर्णपणे जोडले गेले आणि हळूहळू त्यांच्या चाहत्यांची संख्या वाढू लागली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
