Shah Rukh Khan: सध्या सर्वत्र 'पठान'ची चांगलीच चर्चा होत आहे. चित्रपटाप्रमाणे त्यातील कलाकारांचीही चर्चा कायम आहे. चित्रपटाने बॉक्स ऑफिसवर कोट्यावधींचा गल्ला जमावला. तब्बल चार वर्षानंतर शाहरुख मोठ्या पडद्यावर प्रेक्षकांच्या भेटीला आला. चित्रपटाला मिळालेले प्रेम पाहून खुद्द शाहरुखचा भारावला.
या चित्रपटाला मिळणारा प्रतिसाद पाहून खुद्द शाहरुख खानही भारावून गेला आहे. शाहरुखने कमबॅकबद्दल एक ट्वीट करत चाहत्यांना एक सक्सेस मंत्र दिला आहे, जे सगळ्यांचे लक्ष वेधून घेत आहे.
पठान चित्रपटातून शाहरुख तब्बल चार वर्षांनंतर मोठ्या पडद्यावर दमदार कमबॅक करतोय. चित्रपटाला मिळणारा प्रतिसाद पाहून चित्रपटाचे अनेक ठिकाणी शोही वाढवण्यात आले आहेत. पहिल्याच दिवशी या चित्रपटाने जगभरात १०० हून अधिक कोटींची कमाई केली होती. तर आतापर्यंत चित्रपटाने ३०० कोटींच्या आसपास कमाई केली. नुकतेच शाहरुखने आपल्या चाहत्यांना ट्विट करत यशस्वी होण्यासाठी खास टीप दिली आहे.
शाहरुखने १९९७ मध्ये प्रदर्शित झालेला Gattaca चित्रपटातील डायलॉग ट्वीट केलाय. तो ट्वीट करत म्हणतो, “Gattaca चित्रपट “मी परत येण्यासाठी काहीही शिल्लक ठेवलेलं नाही.” मला वाटतं आयुष्यही असंच असतं. तुमचं पुनरागमन तुम्हाला ठरवण्याची गरज नसते. तुम्हाला फक्त पुढे जायचं असतं. मागे फिरुन पुन्हा स्वत:ला पाहू नका, तुम्ही जे सुरू केले ते पूर्ण करण्याचा प्रयत्न करा. ५७ वर्षाच्या मी तुम्हाला सल्ला देत आहे. ” त्याच्या या ट्वीटवर चाहत्यांसह काही कलाकारांचीही प्रतिक्रिया येत'' आहे.
येत्या आगामी काळात शाहरुखचा हा चित्रपट आणखी किती कमाई करणार हे पहाणे औत्सुक्याचे ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
