Kangana Ranaut: जवळपास दीड वर्षानंतर ट्विटरवर पुनरागमन केल्यानंतर कंगना रणौत सध्या जोमात दिसत आहे. ट्विटरवर पुन्हा एकदा अभिनेत्रीची तीच जुनी शैली पाहायला मिळत आहे. कंगनाने पुन्हा एकदा बॉलिवूडचा बादशाह शाहरुख खानला निशाण्यावर धरले आहे. ती सध्या अनेक वेगवेगळ्या विषयांवर सतत ट्वीट करत आहे, त्याचा किंग खानला कोणताच फरक पडत नाही. आज सकाळी पुन्हा एकदा शाहरुखच्या चित्रपटाला लक्ष करत हिंदू धर्माचा नारा दिला आहे. यासोबतच बॉलिवूडला पुन्हा एकदा धमकीही दिली आहे.
नुकताच प्रदर्शित झालेल्या शाहरुख खानच्या 'पठान' चित्रपटाने बॉक्स ऑफिसवर धुमाकूळ घातला आहे. या चित्रपटाने अवघ्या तीन दिवसांतच अनेक विक्रम मोडीत काढले आहेत. चाहते तसेच संपूर्ण चित्रपटसृष्टी 'पठान'ला मिळालेल्या यशाचे जंगी सेलिब्रेशन करत आहे. चित्रपटाच्या निमित्ताने बॉलिवूडला टार्गेट करणारी एक व्यक्ती आहे. ती म्हणजे कंगना राणौत.
या अभिनेत्रीला ना 'पठान'च्या यशाचा आनंद आहे ना चित्रपटाच्या चाहत्यांचा आनंद. अशा परिस्थितीत अभिनेत्रीने ट्वीटरच्या माध्यमातून बॉयकॉट करत चित्रपटाच्या चाहत्यांना चांगलेच फटकारले आहे. यावेळी कंगनाने शाहरुखच्या चाहत्यांना 'राजकारण'पासून दूर राहण्याचा एक योग्य सल्ला दिला आहे. कंगनाचे हे ट्विट शाहरुखच्या चाहत्यांसाठी धमकीसोबतच सल्लाही म्हणता येईल.
'पठाण'च्या यशानंतर बॉलिवूडचा बादशाह शाहरुख खानचे चाहते सोशल मीडियाच्या माध्यमातून सतत आनंद व्यक्त करत आहेत. यासोबतच करण जोहर आणि आलिया भट्ट सारखे इंडस्ट्रीतील कलाकार आणि दिग्दर्शक या चित्रपटाच्या यशाला 'द्वेषावरचा विजय' म्हणत आहेत, जे कंगनाला फारसे पटले नाही.
कंगनाने बॉलिवूडला आणि इंडस्ट्रीतील लोकांना 'तुमच्या यशाचा आनंद घ्या' आणि 'राजकारणापासून दूर राहा' असे म्हणत तिने ट्वीट केले. कंगनाने ट्विट करून लिहिले की, 'बॉलिवूडकरांनो, तुम्ही या देशातील हिंदूंच्या द्वेषाने त्रस्त आहात, जर मी 'द्वेषावर विजय' हे शब्द पुन्हा ऐकले, तर पुन्हा एकदा तुमच्यावर काल सारखी वेळ येण्याची शक्यता आहे. तर तुमच्या यशाचा आनंद लुटा आणि राजकारणापासून अलिप्त रहा.'
कंगना 'पठान'च्या यशावर मुद्दा बनवण्याचा प्रयत्न करत असून सोशल मीडिया युजर्सला ते स्पष्टपणे दिसत आहे. हे सोशल मीडियावर अनेक युजर्सचे मत आहे. कंगना रणौत 'पठान' बद्दल ट्विट करण्यात व्यस्त असताना, दुसरीकडे कंगना तिचा आगामी'इमर्जन्सी' चित्रपटाचे शूटिंग पूर्ण झाले आहे, ज्याचा खुलासा अभिनेत्रीने केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.