Samantha Ruth Prabhu : ३९व्या वर्षी सामंथा रुथ प्रभु आई होणार? 'त्या' व्हायरल VIDEO ने सुरू झाली चर्चा

साऊथची क्वीन सामंथा रुथ प्रभुचा नुकताच 'मा इंति बंगारम' हा चित्रपट रिलीज झाला आहे. हा चित्रपट जगभरात बक्कळ कमाई करताना दिसत आहे. तर दुसरीकडे सामंथा नुकतीच आपल्या वैयक्तिक आयुष्यामुळे चर्चेत आली आहे. सोशल मीडियावर सामंथाचा एक व्हिडीओ तुफान व्हायरल होत आहे. ज्यामुळे अभिनेत्री गरोदर असल्याची चर्चा रंगली आहे. नुकतीच सामंथाने पती राज आणि चित्रपटाच्या टीमसोबत 'मा इंति बंगारम' च्या यशाचा आनंद साजरा करताना दिसली. या क्षणाचे फोटो आणि व्हिडीओ तुफान व्हायरल होत आहेत.

व्हायरल व्हिडीओत सर्वांचे लक्ष सामंथा रुथ प्रभुच्या बेबी बंपकडे गेले. सामंथाने फिकट निळ्या रंगाचा टी-शर्ट आणि जीन्स परिधान केली होती. गर्दीत राज तिची काळजी घेताना दिसला. ती टीम आणि आपल्या नवऱ्यासोबत केक कापताना दिसत आहे. लग्नाच्या ६-७ महिन्यानंतर सामंथाच्या घरात पाळणा हलणार असल्याच्या चर्चा रंगल्या आहेत. मात्र अद्याप दोघांनीही कोणतीही अधिकृत घोषणा केली नाही.

सामंथा रुथ प्रभुच्या या व्हायरल व्हिडीओवर चाहते कमेंट्सचा आणि शुभेच्छांचा वर्षाव करत आहे. सामंथाच्या चाहत्यांना खूपच आनंद होत आहे. प्रेक्षक दोघांच्या जोडीच कौतुकही करत आहे. सामंथा रुथ प्रभुने 2025 मध्ये चित्रपट निर्माते-दिग्दर्शक राज निदिमोरूसोबत लग्नगाठ बांधली. दोघे कायम एकमेकांना पाठिंबा देताना दिसतात. वयाच्या ३९ वर्षी सामंथा रुथ प्रभु आई होणार आहे.

सामंथा रुथ प्रभुचा 'मा इंति बंगारम' चित्रपट (Maa Inti Bangaaram) १९ जूनला रिलीज झाला आहे. Sacnilk च्या रिपोर्टनुसार, 'मा इंति बंगारम' चित्रपटाने जवळपास २५ कोटींचा व्यवसाय केला आहे. सामंथाने आजवर अनेक सुपरहिट चित्रपट दिले आहेत. सामंथा रुथ प्रभुने बॉलिवूडमध्येही काम केले आहे.