Rinku Rajguru : आर्चीला मिळाला महाडिकांचा परशा? युट्यूबर कृष्णा, रिंकूशी लग्न करणार?

Rinku Rajguru Krishna Mahadik : कोल्हापूरच्या कुस्ती आखाड्या पासून बॉलीवुडच्या बी टाऊन पर्यंत आणि तुमच्या मोबाईलच्या सोशल मिडीयात सध्या एकच चर्चा आहे ती म्हणजे.. आर्चीला मिळालेल्या परश्याची. लाखो हदयाची धडकन असणाऱ्या सैराटफेट आर्चीला म्हणजेच अभिनेत्री रिंकू राजगुरूला रिअल लाईफ मध्ये परश्या मिळाल्याच्या चर्चानी जोर धरलाय. त्याला कारण ठरला एक फोटो..

आणि तो फोटो आहे आणि अभिनेत्री रिंकू राजगुरुसोबत कोल्हापुरच्या राजकारणातील महाडीकांचे सुपुत्र कृष्णराज महाडिक यांचा... हा फोटो कृष्णराज महाडिकांनी आपल्या सोशल मिडीयावर टाकताच काही क्षणातच शेकडो कंमेन्ट्स आणि हजारो लाईक्सचा अक्षरशा पाऊस पडला.

तर या या कंमेन्ट्स वाचून तुम्हालाही अंदाज आला असेल नेटिझन्सने या जोडी किती डोक्यावर घेतलंय.. अभिनेत्री रिंकू राजगुरूनं आपल्या अभिनयाच्या जोरावर प्रेक्षकांना सैराट केलेलं आहेच. महाडिक घराण्याचा कुस्तीच्या आखाड्यापासून ते संसदेपर्यंत असलेला दबदबा सगळ्यांनाच माहितीये. कृष्णा महाडिकांचे वडील भाजपचे खासदार आहेत आणि खुद्द कृष्णा हे युट्यूबर असून त्यांच्या व्लॉगमुळे महाराष्ट्राच्या कानाकोपऱ्यात पोहचले आहेत. त्यामुळेच या जोडीनं सगळ्याचं लक्ष वेधून घेतलंय. जर या चर्चा खऱ्या असतील तर या जोडीला आमच्याही शुभेच्छा...