Gia Manek Wedding: प्रसिद्ध अभिनेत्रीने वयाच्या ३९ व्या वर्षी थाटला संसार; बॉयफ्रेंडसोबत गुपचुप केलं लग्न

Gia Manek Wedding: साथ निभाना साथिया फेम अभिनेत्री जिया मानेक हिने लग्नगाठ बांधली आहे. तिने एका खाजगी समारंभात अभिनेता वरुण जैनशी लग्न केले आहे. जियाने सोशल मीडियावर तिच्या लग्नाचे फोटो पोस्ट करत चाहत्यांना ही गूड न्यूज दिली आहे. नवरीच्या रूपात जिया मानेक खूपच सुंदर दिसत असून तिचे लग्नाचे फोटो सोशल मीडियावर व्हायरल होत आहेत.

जिया मानेकचे लग्न झाले

जियाने तिच्या कॅप्शनमध्ये लिहिले, देवाच्या आणि गुरुच्या कृपेने आणि प्रेमाने, आम्ही कायमचे एकत्र झालो आहोत. हातात हात घालून, आमचे हृदय एक झाले आहे. आम्ही दोन मित्र होतो आणि आज आम्ही पती-पत्नी झालो आहोत. ज्यांनी हा दिवस खास बनवला त्यांच्या प्रेम, आशीर्वाद आणि शुभेच्छांसाठी मी खूप आभारी आहे.

फोटोमध्ये जिया सोनेरी साडीत दिसत होती. यावेळी तीने साऊथ इंडीयन लूक केला आहे. तिने सुंदर दागिने, लाल बांगड्या, मांग टिक्का, कमरेचा पट्टा आणि कानातले घातले होते. तिने गजरा घालून तिच्या केसांचा बन बांधला होता. नवी नवरी जिया मानेक खूप आनंदी आणि सुंदर दिसत होती.

जिया मानेकच्या कामाबद्दल बोलायचे झाले तर, तिने 'साथ निभाना साथिया, 'तेरा मेरा साथ रहे', 'जिनी और जुजू' आणि 'मनमोहिनी' सारखे शो केले आहेत. तिला साथ निभाना साथियामधील गोपी बहु या पात्रामुळे प्रसिद्धी मिळाली होती.