Pooja Hegde: पूजा हेगडे आणि अल्लू अर्जुन लवकरच येणार एकत्र; पुन्हा करणार ऑन स्क्रीन रोमान्स

Pooja Hegde and Allu Arjun: दक्षिण भारतीय चित्रपटसृष्टीतील लोकप्रिय अभिनेत्री पूजा हेगडे आणि सुपरस्टार अल्लू अर्जुन यांची जोडी पुन्हा एकदा प्रेक्षकांच्या भेटीला येणार आहे.
Pooja Hegde and Allu Arjun
Pooja Hegde and Allu ArjunSaam Tv
Published On

Pooja Hegde: दक्षिण भारतीय चित्रपटसृष्टीतील लोकप्रिय अभिनेत्री पूजा हेगडे आणि सुपरस्टार अल्लू अर्जुन यांची जोडी पुन्हा एकदा प्रेक्षकांच्या भेटीला येणार आहे. 'अला वैकुंठपुरमलो' या ब्लॉकबस्टर चित्रपटानंतर या दोघांची केमिस्ट्री प्रेक्षकांच्या मनात घर करून बसली आहे. आता, पूजा हेगडेने एका मुलाखतीत अल्लू अर्जुनसोबत पुन्हा काम करण्याची इच्छा व्यक्त केली आहे.

पूजा हेगडेने सांगितले की, "अल्लू अर्जुनसोबत काम करणे नेहमीच एक आनंददायी अनुभव असतो. तो एक परिपूर्ण अभिनेता आहे आणि त्याच्यासोबत काम करताना खूप काही शिकायला मिळते." तिने पुढे सांगितले की, "तेलुगू चित्रपटसृष्टीने मला ओळख दिली आणि मी त्यांची सदैव ऋणी राहीन."

Pooja Hegde and Allu Arjun
Urvashi Rautela: उर्वशी रौतेलाचं वादग्रस्त विधान, बद्रीनाथचे माजी पुजारी संतप्त; थेट कोर्टात खेचणार

'अला वैकुंठपुरमलो' या चित्रपटात पूजा आणि अल्लू अर्जुन यांची केमिस्ट्री प्रेक्षकांनी खूपच पसंत केली होती. या चित्रपटाने बॉक्स ऑफिसवरही चांगली कमाई केली होती. त्यामुळे या जोडीला पुन्हा एकत्र पाहण्याची उत्सुकता प्रेक्षकांमध्ये आहे.

Pooja Hegde and Allu Arjun
Kesari Chapter 2 : 'केसरी चॅप्टर २' मध्ये विकी कौशलची खास भूमिका; अभिनेत्याच्या कामामुळे प्रेक्षक भावूक

पूजा हेगडे 'देवा' या हिंदी चित्रपटात शाहिद कपूरसोबत दिसली होती. तसेच, ती लवकरच तमिळ अभिनेता सूर्या आणि विजयसोबतही चित्रपटांमध्ये झळकणार आहे. दुसरीकडे, अल्लू अर्जुनचा 'पुष्पा 2: द रूल' चित्रपटात सुपरहिट ठरला. प्रेक्षकांना आता या दोघांच्या आगामी प्रोजेक्टची अधिकृत घोषणा कधी होते, याची उत्सुकता लागली आहे. त्यांच्या पुनर्मिलनाची बातमी चाहत्यांसाठी नक्कीच आनंददायी ठरणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com