Urvashi Rautela: उर्वशी रौतेलाचं वादग्रस्त विधान, बद्रीनाथचे माजी पुजारी संतप्त; थेट कोर्टात खेचणार

Urvashi Rautela controversy: बॉलीवूड अभिनेत्री उर्वशी रौतेलाने अलीकडेच एका पॉडकास्टमध्ये दावा केला की उत्तराखंडमधील बद्रीनाथजवळील एक मंदिर तिच्यासाठी बांधण्यात आले आहे.तिने म्हटले की तिच्या चाहत्यांनी तिच्या नावाने 'उर्वशी मंदिर' बांधले आहे. हा दावा करताना तिने मंदिरात लोक तिच्या आशीर्वादासाठी येतात असेही सांगितले. मात्र, स्थानिक लोकांनी या विधानाचा तीव्र निषेध केला आहे.

माजी धर्माधिकारी भुवन चंद्र उनियाल यांनी सांगितले की, हे मंदिर भगवान शिवाची पत्नी माता सती यांना समर्पित आहे. जेव्हा सती मातेने अग्नीकुंडात आपले शरीर त्यागले तेव्हा तिच्या शरीराचे अवयव वेगवेगळ्या ठिकाणी पडले. त्यामुळे संपूर्ण भारतात अशी १०८ शक्तीपीठे तयार झाली.

तीर्थपुरोहित महापंचायतीने या वक्तव्याला विरोध केला

सोशल मीडियावर व्हायरल होत असलेल्या अभिनेत्री उर्वशी रौतेलाच्या विधानाला उत्तराखंड चारधाम तीर्थपुरोहित महापंचायतीने विरोध केला आहे. बद्रीनाथ धामजवळील उर्वशी मंदिराबाबत दिलेले विधान मागे घेतले नाही आणि माफी मागितली नाही तर न्यायालयात याचिका दाखल केली जाईल, असा इशारा महापंचायतने दिला.

महापंचायतचे सरचिटणीस डॉ. ब्रिजेश सती आणि प्रवक्ते अनिरुद्ध प्रसाद उनियाल म्हणाले, अभिनेत्री उर्वशी रौतेलाचे एक वक्तव्य सोशल मीडियावर व्हायरल होत आहे. ज्यामध्ये त्यांनी म्हटले आहे की बद्रीनाथ धामजवळील उर्वशी मंदिराचे नाव त्यांच्या नावावर आहे. महापंचायतीने यावर आक्षेप व्यक्त केला आहे. बद्रीनाथ धाम जवळील उर्वशी मंदिर हे या परिसरातील प्रमुख देवता आहे.

व्हायरल व्हिडिओमधील विधानामुळे लोकांच्या श्रद्धेला धक्का बसला आहे. व्हायरल व्हिडिओमध्ये, अभिनेत्रीने म्हटले आहे की ती दक्षिण भारतीय चित्रपटांमध्ये काम करत आहे आणि तिला दक्षिण भारतातही तिच्या नावाने एक मंदिर बांधायचे आहे. महापंचायतने असा इशारा दिला की अभिनेत्री उर्वशीने तिचे विधान मागे घ्यावे आणि माफी मागावी. अन्यथा त्यांच्यावर न्यायालयात खटला दाखल केला जाईल.