Rekha : रेखा यांच्या पुढे माधुरी-उर्मिला पडल्या फिक्या; हटके डान्सने वेधलं लक्ष, पाहा व्हायरल VIDEO

बॉलिवूडच्या ज्येष्ठ अभिनेत्री शबाना आझमी यांचा नुकताच वाढदिवस झाला. त्या 18 सप्टेंबरला 75 वर्षांच्या झाल्या आहेत. शबाना आझमी यांच्या वाढदिवसाच्या पार्टीला बॉलिवूड सेलिब्रिटींनी हजेरी लावली. यात अभिनेत्रींचा ग्लॅमरस लूक आणि हटके फॅशन पाहायला मिळाली. पार्टीतील अभिनेत्रींचे डान्स व्हिडीओ सोशल मीडियावर तुफान व्हायरल होत आहे. या पार्टीत दिग्गज अभिनेत्री रेखा (Rekha Dance Video) यांनी आपल्या डान्स आणि लूकने चारचाँद लावले आहेत.

शबाना आझमी यांच्या वाढदिवसाची पार्टीतील एक व्हिडीओ तुफान व्हायरल होत आहे. ज्यात माधुरी दीक्षित, उर्मिला मातोंडकर, विद्या बालन, रेखा आणि शबाना आझमी तुफान डान्स करताना दिसत आहेत. व्हिडीओमध्ये रेखा'कैसी पहेली जिंदगानी' गाण्यावर माधुरी दीक्षित, उर्मिला मातोंडकर, विद्या बालन आणि शबाना आझमी यांच्यासोबत डान्स करताना दिसत आहे. त्यांच्या चेहऱ्यावरचे हावभाव कातिल आहेत. त्याच्या या व्हिडीओवर चाहत्यांकडून कमेंटसचा वर्षाव होत आहे. त्यांच्या लूकचे, डान्समधील एनर्जीचे कौतुक होताना दिसत आहे.

रेखा यांच्या हटके डान्सने सर्वांचे लक्ष वेधून घेतले आहे. 70 वर्षांच्या रेखा यांच्या पार्टीतील लूकची सर्वत्र चर्चा होताना पाहायला मिळत आहे. काळ्या रंगाचा ड्रेस आणि त्यावर पांढऱ्या रंगाचे स्टायलिश जॅकेट परिधान केले आहे. डोक्यावर कॅप आणि सनग्लासेस मध्ये त्या खुपच सुंदर दिसत आहे. फॅशन आणि डान्समध्ये त्यांनी माधुरी दीक्षित, उर्मिला मातोंडकर यांना मागे टाकले आहे.

माधुरी दीक्षित यांनी लाल रंगाचा को-ऑर्ड सेटपरिधान केला आहे. तर उर्मिला मातोंडकरने सोनेरी आणि काळ्या रंगाचा को-ऑर्ड सेट परिधान केला आहे. विद्या बालन राखाडी रंगाच्या पोशाखात सुंदर दिसत होती. तर शबाना आझमी यांनी काळ्या आणि लाल रंगाच्या ड्रेस परिधान केला होता. सर्व अभिनेत्री खूपच छान दिसत होत्या.