Madhuri Dixit : "पावसाची जादू...", माधुरी दीक्षित पावसात चिंब भिजली, पाहा VIDEO

सध्या सर्वत्र पावसाचे वातावरण पाहायला मिळत आहे. यंदा मे महिन्यातच पावसाने हजेरी लावली आहे. त्यामुळे सर्वत्र हिरवळ आणि थंड वातावरण पाहायला मिळत आहे. त्यामुळे अनेक जण फिरण्याचा प्लान करत आहेत. पावसाचा मनसोक्त आनंद घेताना दिसत आहे. पावसाळा म्हटलं की फिरणे आणि चटपटीत पदार्थांचा आस्वाद घेणे आलेच. पावसाळ्यात सर्वसामान्य लोकांसोबतच कलाकारमंडळी देखील नाचू-गाऊ लागतात. आता असाच एक व्हिडीओ सोशल मीडियावर तुफान व्हायरल होत आहे.

बॉलिवूडची 'धकधक गर्ल' कायम कोणत्या ना कोणत्या कारणामुळे चर्चेत असते. नुकताच तिने एक सोशल मीडियावर एक व्हिडीओ शेअर केला आहे. या व्हिडीओनं सर्वांचे लक्ष वेधून घेतले आहे. या व्हिडीओमध्ये माधुरी दीक्षित (Madhuri Dixit ) पावसाचा मनसोक्त आनंद घेताना दिसत आहे. ती पावसात छत्री घेऊन नाचताना दिसत आहे. या व्हिडीओला तिने खूपच खास कॅप्शनं दिलं आहे. तिने लिहिलं आहे की, "मॅजिक ऑफ द सीझन..." तिच्या या व्हिडीओवर चाहत्यांकडून कमेंट्सचा वर्षाव होत आहे.

माधुरी दीक्षित पावसात एका सुंदर निसर्गरम्य ठिकाणी 'ये मौसम का जादू है मितवा...' या गाण्यावर मनसोक्त डान्स करत आहे. हे गाणे माधुरी दीक्षितच्या 'हम आपके है कौन' या चित्रपटातील आहे. या चित्रपटात माधुरी दीक्षित आणि सलमान खान एकत्र पाहायला मिळाले. व्हिडीओमध्ये माधुरी दीक्षितने मरुन कलरचा ड्रेस परिधान केला आहे. हातात छत्री आणि मोकळे केसांमध्ये माधुरीचं सौंदर्य खुलून आले आहे. माधुरी दीक्षित पावसाचा मनसोक्त आनंद घेताना दिसत आहे.

अलिकडेच माधुरी दीक्षित 'भूल भुलैया 3 ' मधून प्रेक्षकांच्या भेटीला आली होती. चाहते आता माधुरी दीक्षितच्या आगामी प्रोजेक्टची आतुरतेने वाट पाहत आहे. माधुरी दीक्षितचा मोठा चाहता वर्ग आहे. ज्यात तसेच ती सोशल मीडियावर देखील खूप सक्रिय असते. आपल्या वेगवेगळ्या लूकचे फोटो आणि व्हिडीओ ती चाहत्यांसोबत शेअर करत असते.