Vijay-Rashmika Wedding: 'लग्नाची तारीख कळली...'; रश्मिका मंदान्ना आणि विजय देवरकोंडा या दिवशी अडकणार विवाह बंधनात

Vijay-Rashmika Wedding: दक्षिण चित्रपटसृष्टीतील सर्वात लोकप्रिय जोडप्यांपैकी एक असलेले रश्मिका मंदान्ना आणि विजय देवरकोंडा लवकरच त्यांच्या नात्याला एक नवीन नाव देणार आहेत. बऱ्याच काळापासून चर्चेत असलेल्या या कपलने ऑक्टोबरमध्ये एका अतिशय खाजगी समारंभात साखरपुडा केला आणि आता लवकरच लग्न करणार आहेत. लग्नाची तारीख उघड झाली आहे.

विजय आणि रश्मिकाच्या लग्नाची तारीख

एचटी सिटीच्या सूत्रांनुसार, हे स्टार कपल फेब्रुवारी २०२६ मध्ये लग्न करणार आहे. साखरपुड्याप्रमाणेच हे लग्नही अत्यंत साधेपणाने आणि खाजगी पद्धतीने पार पडणार आहे. आतापर्यंत मिळालेल्या माहितीनुसार, रश्मिका आणि विजय २६ फेब्रुवारी २०२६ रोजी राजस्थानातील उदयपूर येथे लग्न करणार आहेत. या कपलने लग्नासाठी एक शाही वारसा असलेला राजवाडा निवडला आहे. जिथे फक्त कुटुंबातील सदस्य आणि अगदी जवळचे मित्र उपस्थित राहतील.

खाजगी समारंभात लग्न करणार

दोन्ही स्टार्स त्यांचे वैयक्तिक आयुष्य प्रसिद्धीपासून दूर ठेवण्यास प्राधान्य देतात. म्हणूनच हा विवाह बॉलीवूड किंवा दक्षिण भारतीय उद्योगातील सामान्य लग्नांपेक्षा जास्त चर्चेत असलेला आहे. लग्नानंतर ते हैदराबादमध्ये किंवा इतर शहरात इंडस्ट्री मित्रांसाठी स्वतंत्र रिसेप्शन देतील करतील की नाही हे सध्या स्पष्ट नाही.

या वर्षी ऑक्टोबरमध्ये साखरपुडा

यापूर्वी, रश्मिका आणि विजय यांनी दसऱ्यानंतर ३ ऑक्टोबर २०२५ रोजी हैदराबादमध्ये साखरपुडा केला होता. या समारंभात फक्त त्यांचे कुटुंब आणि जवळचे मित्र उपस्थित होते. जरी या कपलने स्वतः सोशल मीडियावर कोणतीही घोषणा केली नसली तरी, विजयच्या टीमने नंतर साखरपुड्याची पुष्टी केली आणि फेब्रुवारीमध्ये लग्न करण्याचे संकेत दिले.

त्यांच्या प्रेमकथेची सुरुवात "गीता गोविंदम" या चित्रपटाने झाली. रश्मिका आणि विजयची केमिस्ट्री पहिल्यांदा २०१८ च्या सुपरहिट चित्रपट "गीता गोविंदम" मध्ये दिसली. २०१९ च्या "डियर कॉम्रेड" या चित्रपटाने त्यांची ऑन-स्क्रीन जोडी प्रेक्षकांना आणखी आवडली. त्यांच्या चित्रपटांव्यतिरिक्त, हे दोघे न्यू यॉर्कमधील इंडिया डे परेड आणि भारत बियॉन्ड बॉर्डर्स कार्यक्रमासह अनेक आंतरराष्ट्रीय आणि सांस्कृतिक कार्यक्रमांमध्ये एकत्र दिसले आहेत.