Singer Died: प्रसिद्ध गायकाचे ३५ व्या वर्षी निधन, संगीत विश्वावर शोककळा

Summary -

• प्रसिद्ध पंजाबी लोकगायक गुरमीत मान याचे निधन झाले

• वयाच्या ३५ व्या वर्षी त्याने जगाचा निरोप घेतला

• ते लोकगीतांसाठी प्रसिद्ध होते आणि प्रीत पायल यांच्याबरोबर गात होते

• पंजाबमधील संगीतविश्वात या घटनेमुळे शोककळा पसरली

पंजाबच्या संगीत विश्वातून दु:खद बातमी समोर आली आहे. प्रसिद्ध लोकगायक गुरमीत मान याचे निधन झाले. गायक राजवीर जवंदा यांच्या निधनाच्या धक्क्यातून सावरत नाही तोवर पंजाब संगीत विश्वात आणखी एका गायकाचे निधन झाले. गुरमीत मान यांच्या निधनामुळे चाहत्यांवर दु:खाचा डोंगर कोसळला आहे. सर्वजण सोशल मीडियावर पोस्ट करत श्रद्धांजली वाहत आहेत.

गुरमीत मान हे मूळचे पंजाबच्या रोपार जिल्ह्यातील रहिवासी होते. ते त्यांच्या लोकगीतांसाठी प्रसिद्ध होते. त्यांनी पंजाब पोलिस दलात देखील काम केले होते. त्यांच्या अचानक निधनाने संगीतप्रेमींना मोठा धक्का बसला. गुरमीत मान आणि प्रीत पायल यांची जोडी खूप प्रसिद्ध झाली. त्यांनी एकत्र येत अनेक लोकगीते गायत पंजाबी संस्कृती जिवंत ठेवण्याचा प्रयत्न केला.

गुरमीत मान हे आपल्या आवाजाच्या माध्यमातून रसिकांची मनं जिंकत होते. त्यांच्या संगीत कार्यक्रमाला मोठ्या संख्येने रसिक प्रेक्षक उपस्थित राहत होते. एका आठवड्यामध्ये दोन प्रसिद्ध गायकांचा मृत्यू झाल्यामुळे पंजाबी संगीत उद्योगात शोककळा पसरली आहे. सोशल मीडियावर दोघांचे चाहते पोस्ट करत श्रद्धांजली वाहत आहेत.

दरम्यान, पंजाबी गायक राजवीर जवंदा याचे ८ ऑक्टोबर रोजी निधन झाले होते. रस्ते अपघातामध्ये राजवीर जावंदा याचा मृत्यू झाला होता. २७ सप्टेंबर रोजी अपघाताची ही घटना घडली. अपघातामध्ये गंभीर जखमी झालेल्या राजवीर यांना उपचारासाठी मोहाली येथील फोर्टिस रुग्णालयात दाखल करण्यात आले होते. तिथे उपचारादरम्यान ११ व्या दिवशी त्यांनी जगाचा निरोप घेतला.