Prasad Jawade Serial: 'काव्यांजली' मालिकेतून प्रसाद जवादेची एक्झिट; तर हा अभिनेता साकारणार 'प्रितम'ची भूमिका

Prasad Jawade Exit From Kavyanjali:

दोन बहिणींच्या जीवनावर आधारित कलर्स मराठीवरील काव्यांजली - सखी सावली' हे मालिका काही महिन्यांपूर्वी प्रेक्षकांच्या भेटीला आली. या मालिकेमध्ये प्रेक्षकांना दोन बहिणींमधील प्रेमळ नातं पाहायला मिळत आहे.

अभिनेता प्रसाद जवादेने देखील या मालिकेतून आपल्या भेटीला आला होता. परंतु प्रसाद आता ही मालिका सोडणार असल्याचे वृत्त समोर आले आहे.

मराठी टेली बझ या इंस्टाग्राम पेज एक पोस्ट शेअर केली. या पोस्टमध्ये त्यांनी प्रसाद जवादे 'काव्यांजली' मालिकेतून एक्झिट घेणार असल्याचे सांगितले आहे. तर त्याच्या जागी आता आपल्याला या मालिकेत अभिनेता आदिश वैद्य दिसणार असल्याची माहिती देखील मराठी टेली बझने दिली आहे. (Latest Entertainment News)

प्रसाद जवादे या मालिकेत काव्याच्या दिराची भूमिका साकारत होता. आता या भूमिकेत अभिनेता आदिश वैद्य साकारणार आहे. आदिश वैद्य मराठीसह हिंदी टेलिव्हिजनवर देखील काम करतो. त्याने नुकतीच 'सवी की सवारी' मालिकेतून एक्झिट घेतली आहे. आदिश 'रात्रीस खेळ चाले, कुंकू, टिकली आणि टॅटू यासह अनेक मराठी मालिकांमध्ये दिसला होता.

प्रसाद जवादे विषयी बोलायचे झाले तर प्रसाद जवादे सध्या त्याचे केळवण एन्जॉय करत आहे. अभिनेत्री अमृता देशमुख आणि त्याचा साखरपुडा पार पडला आहे. १८ नोव्हेंबरला २०२३ साली लग्न ठरणार आहे.