Lai Avadtes Tu Mala : 'लय आवडतेस तू मला' मालिकेत नव्या पात्रांची एन्ट्री, सरकार-सानिकाच्या आयुष्यात येणार वादळ

'लय आवडतेस तू मला' (Lai Avadtes Tu Mala) मालिकेत आता नवीन वळण पाहायला मिळणार आहे. सरकार आणि सानिकाच्या आयुष्यात नवा ट्विस्ट येणार आहे. सरकार आणि सानिकाच्या प्रेमाच्या गोष्टीने प्रेक्षकांना बांधून ठेवले आहे. या मालिके आता नवीन पात्रांची एन्ट्री होणार आहे. यामुळे कथेला नवे वळण मिळणार आहे. मालिकेत अम्मा आणि राणीच्या येण्याने सरकार आणि सानिकाच्या आयुष्यात नवीन घडामोडी घडणार आहेत.

'लय आवडतेस तू मला' मालिकेतील पहिले नवीन पात्र म्हणजे 'अम्मा'. ही भूमिका अभिनेत्री संजीवनी पाटील साकारत आहे. सरकार आणि सानिका हनिमूनला जाताना अचानक एका अडचणीत अडकतात. ते एका सुनसान ठिकाणी मदतीच्या शोधात असतात. अशा वेळी अम्माची एन्ट्री होते. अम्मा त्यांना मदत करते. मात्र, अम्माची ही मदत त्यांच्या सुखी संसारावर कुठल्या वादळाची चाहूल देणार आहे का? हे पाहणे मनोरंजक ठरणार आहे.

'लय आवडतेस तू मला' मालिकेतील दुसरे नवीन पात्र म्हणजे 'राणी'! ही राणी म्हणजे एक खट्याळ, निरागस आणि चुणचुणीत मुलगी आहे. तिच्या दोन वेण्या, रंगीबेरंगी गॉगल्स, हातात खेळण्याचं घड्याळ, स्कर्ट घातलेला मस्त स्टायलिश लूक तिने केला आहे. तिच्या चेहऱ्यावर निरागस हास्य दिसत आहे. सानिकाच्या आयुष्यात राणीचं आगमन सुखद असणार का? हे पाहणे मनोरंजक ठरणार आहे.

'लय आवडतेस तू मला' मालिकेत अम्मा-राणीची सरप्राईज एन्ट्री झाल्यामुळे मालिका पाहायला अजून मजा येणार आहे. 'लय आवडतेस तू मला' मालिका सोमवार ते शनिवार 9.30 वाजता कलर्स मराठीवर पाहायला मिळते.