Marathi Serial : लोकप्रिय मराठी मालिकेने घेतला प्रेक्षकांचा निरोप, दीड वर्षातच गाशा गुंडाळला

प्रेक्षकांना जशी नवीन मालिकांची मेजवानी मिळत आहे. तसेच काही जुन्या मालिका प्रेक्षकांचा निरोप देखील घेत आहे. 'स्टार प्रवाह' वाहिनीवरील 'थोडं तुझं थोडं माझं' आणि 'आई बाबा रिटायर होत आहेत' या दोन मालिकांनंतर 'सन मराठी' वाहिनीवरील एका मालिकेने प्रेक्षकांचा निरोप घेतला (Marathi Serial Off Air ) आहे. ज्यामुळे चाहते भावुक झाले आहे.

'सन मराठी' वाहिनीवरील 'कॉन्स्टेबल मंजू' मालिका संपली आहे. ही मालिका 2024 च्या सुरुवातीला सुरू झाली होती आणि आता 2025च्या शेवटी 'कॉन्स्टेबल मंजू'मालिकेने प्रेक्षकांचा निरोप घेतला. मालिका अवघ्या दीड वर्षात संपली आहे. मालिकेतील कलाकारांनी एक व्हिडीओ शेअर केला आहे. ज्यात मालिकेचा शेवटच्या भागाच्या शूटिंगची झलक पाहायला मिळत आहे. या व्हिडीओवर चाहत्यांकडू कमेंट्सचा वर्षाव होत आहे.

'कॉन्स्टेबल मंजू' मालिकेने प्रेक्षकांचे खूप मनोरंजन केले आहे. मालिकेत मुख्य भूमिकेत मराठी अभिनेत्री मोनिका राठी आणि अभिनेता विशाल कदम झळकला आहे. याशिवाय मालिकेत कलाविश्वातील खास कलाकार पाहायला मिळाले. ज्यात विद्या सावळे,मिलिंद जोशी, कल्याणी चौधरी, शिवराज नाळे आणि अजय तपकिरे यांसारख्या कलाकार मंडळींचा समावेश होता.

'कॉन्स्टेबल मंजू' मालिका 'सन मराठी' वाहिनीवर रात्री 8 वाजता पाहायला मिळायची. आता 'सन मराठी' वाहिनीवर नवीन कोणती मालिका सुरू होणार याकडे प्रेक्षकांचे लक्ष लागून आहे.