Baipan Bhaari Deva On Narendra Bandabe: ‘सिरीयल्समधल्या महिला कॅरेक्टर्सने मोठी स्क्रिनही...’; चित्रपट समीक्षकाने ‘बाईपण भारी देवा’साठी केलेली पोस्ट चर्चेत

Marathi Films On Narendra Bhandabe: महिलाकेंद्रित चित्रपटाचे सध्या होत असलेल्या कौतुकावर पत्रकार आणि चित्रपट समीक्षक नरेंद्र बंडबे यांनी देखील एक लांबलचक पोस्ट शेयर केली आहे.
Baipan Bhaari Deva On Narendra Bandabe
Baipan Bhaari Deva On Narendra BandabeSaam Tv

Narendra Bandabe Social Media Post: लॉकडाऊननंतर मराठी टेलिव्हिजनसृष्टीला सुगीचे दिवस आलेय, असं म्हणालं तरी वावगं ठरणार नाही. लॉकडाऊननंतरच्या मोठ्या गॅपनंतर अनेक चित्रपटांनी बॉक्स ऑफिसवर चांगलीच कमाई केली आहे.

अशातच ‘बाईपण भारी देवा’ या महिलाकेंद्रित असलेल्या चित्रपटाचे नाव आता हिट चित्रपटांच्या यादीत देखील घेतले जात आहे. या चित्रपटाचे दिग्दर्शन केदार शिंदेंनी केले असून चित्रपटाचे सर्वच स्तरातून कौतुक होत आहे. कलाकारांसह, चित्रपट समीक्षक आणि प्रेक्षक देखील चित्रपटाचे तोंडभरून कौतुक करत आहे. नुकतंच चित्रपटाच्या कौतुकाबद्दल पत्रकार आणि चित्रपट समीक्षक नरेंद्र बंडबे यांनी देखील एक लांबलचक पोस्ट शेयर केली आहे.

Baipan Bhaari Deva On Narendra Bandabe
Vijay Varma Web Series : सिरीयल किलर विजय वर्मा साकारणार पोलीस अधिकारी ; 'कालकूट'चा थरारक ट्रेलर प्रदर्शित

पत्रकार आणि चित्रपट समीक्षक नरेंद्र बंडबे यांनी महिलाकेंद्रित चित्रपटवर त्यांनी पोस्ट केली आहे. नरेंद्र बंडबे यांच्याबद्दल बोलायचे तर, ते जागतिक सिनेमांबद्दल ते मराठीमध्ये लिहितात. त्यांच्या पोस्ट या नेहमीच सोशल मीडियावर चर्चेत असतात. नरेंद्र बंडवे यांनी सोशल मीडियावर ‘बाईपण भारी देवा’ आणि ‘झिम्मा’ या दोन्ही चित्रपटाचे पोस्टर शेअर केले आहेत.

आपल्या पोस्टमध्ये पत्रकार आणि चित्रपट समीक्षक नरेंद्र बंडबे म्हणतात, “एव्हढा काय चांगला पिच्चर नाही. 'चार दिवस सासू'ची सासू (रोहिणी हट्टंगडी) आणि 'तू चाल पुढे'मधली अश्विनी (दीपा परब)आहे त्यात. बाकीपण सिरीयलमधल्या बायका आहेत. म्हणून बघायला मज्जा आली." ८२ वर्षांच्या आईची 'बाईपण भारी देवा' (२०२३)बद्दलची ही प्रतिक्रिया. अलिकडे वेड(२०२२) नंतर हा दुसरा मराठी सिनेमा आहे, जो हाऊसफुल्ल चालतोय. इंडस्ट्रीसाठी हे खरंच चांगलं आहे.”

“दिग्दर्शक केदार शिंदेसाठी तर दिलासा आहे. आधीचा 'महाराष्ट्र शाहीर' (२०२३) सर्वप्रकारचे प्रयत्न करूनही प्रेक्षकांना खेचण्यात यशस्वी ठरला नाही. बाईपण भारी चालतोय. त्यातली मंगळागौरीची गोष्ट प्रेक्षकांना खासकरुन महिलांना थिएटरपर्यंत खेचून आणतेय.”

Baipan Bhaari Deva On Narendra Bandabe
Kiran Mane On Sindhutai Majhi Aai Serial: ‘टीआरपीच्या आहारी जाऊन खोटे ड्रामे...’ किरण मानेने मराठी मालिकांबाबत केली परखड पोस्ट

पुढे पोस्टमध्ये नरेंद्र बंडबे म्हणतात, “झिम्मा (२०२१)ही असाच चालला. बऱ्यापैकी गल्ला जमवला. हे यशाचं सुत्र मानलं तर महिलांसंदर्भातल्या सिनेमांना गर्दी होतेय असं समजून 'माहेरची साडी सिंड्रोम' वाढू शकतो. तो टाळता आलं म्हणजे मिळवलं.”

“एकमात्र खरं की टेलिव्हिजन सिरीयल्समधल्या दिसणाऱ्या महिला कॅरेक्टर्सनी मोठी स्क्रिनही काबिज करायला सुरुवात केलीय. टिव्हीतले कलाकार, टिपिकल मंगळागौर, महिलांची सोलो किंवा ग्रुप पिकनिक किंवा साउथ सिनेमांचे रिमेक सारखे स्टिरिओटाईप विषय मराठीत चालत असतील तर आशयघन सिनेमा म्हणून प्रसिद्ध असलेल्‍या मराठीतील काही दिग्दर्शकांनी थोडी विश्रांती घ्यावी. एव्हढंच.”

Baipan Bhaari Deva On Narendra Bandabe
Ananya Panday-Aditya Roy Kapur Photo: बॉलिवूडचे नवे लव्हबर्ड्स! एकमेकांच्या प्रेमात हरवलेल्या आदित्य-अनन्याचे फोटो व्हायरल

आपल्या पोस्टच्या शेवटच्या भागात नरेंद्र बंडबे म्हणतात, “एक गोष्ट जाणवली ती अशी की बाईपण भारीला जाणाऱ्या प्रेक्षकांमध्ये पीयर प्रेशर आहे. थेटरात गेल्यावर तो प्रकर्षाने जाणवतो.झिम्मा आणि बाईपण मध्ये समान दुवा आहे. परिस्थितीत अडकलेली ती, तिच्या अनेक इच्छा आकांक्षांचं झालेलं दमन, आणि जिले जरा... किंवा थोडीसी जिंदगी टाईप आशावाद. हे असं का आवडतंय याचाही विचार व्हायला हवा..”

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com