छोट्या पडद्यावरील लोकप्रिय अभिनेत्री म्हणजे नीना कुलकर्णी. मराठीसह हिंदी मालिकाविश्वात नीना कुलकर्णी यांनी अभिनयाची छाप उमटवली आहे. सध्या सोशल मिडियावर नीना कुलकर्णी यांनी एक पोस्ट केली आहे. जी लक्ष वेधून घेत आहे. नीना कुलकर्णी यांनी मी जिवंत आहे अशी पोस्ट केली आहे. नेमकं यामागचं प्रकरण काय आहे ते जाणून घेऊया.
अभिनेत्री नीना कुलकर्णी यांच्या निधनाची अफवा पसरली होती. या खोट्या पसरणाऱ्या अफवांवर नीना कुलकर्णी या भडकल्या आहेत. सोशल मीडियावर नीना कुलकर्णी यांनी पोस्ट शेअर केली आहे. "यूट्यूबरवर माझ्या निधनाची खोटी बातमी दाखवली जात आहे. देवाच्या कृपेने मी जिवंत आहे आणि पूर्णपणे ठणठणीत असून कामामध्ये व्यस्त आहे. कृपया अशाप्रकारच्या अफवांकडे लक्ष देऊ नका आणि त्यांना प्रोत्साहनही देऊ नका. मला दीर्घायुष्य मिळू दे".
नीना कुलकर्णी यांचा चाहतावर्ग मोठा आहे. सोशल मीडियावर नीना कुलकर्णी सक्रिय असतात. सोशल मीडियावर नीना कुलकर्णी त्याचे फोटो पोस्ट करतात. ६८ वर्षीय नीना कुलकर्णी आजही फिट अॅन्ड फाईन आहेत. मात्र अलिकडेच सुरू असलेल्या त्यांच्या निधनाच्या चर्चांमुळे नीना कुलकर्णी यांचे चाहते देखील चिंतेत होते.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
