Nikki Tamboli: बाईsss! निक्की अन् सूरजची होणार लवकरच भेट, फोनवर असं काय म्हणाली?

यंदाच बिग बॉसचं पाचवं पर्व चांगलंच गाजलं. बिग बॉस पाचव्या पर्वाचा विजेता रिलस्टार सूरज चव्हाण झाला. अशातच सूरज चव्हाणवर सर्वत्र कौतुकाचा वर्षाव होत आहे. बिग बॉसच्या घरातील स्पर्धक देखील सूरज चव्हाणला शुभेच्छा देत आहेत.अशातच बिग बॉस फेम निक्की तांबोळीने सूरजला कॉल केला होता. सोशल मीडियावर निक्कीने याबाबतची माहिती दिली आहे.

१०० दिवसांचा विग बॉसचा यंदाचा सीझन ७० दिवसांतच संपला. यंदा बिग बॉसच्या घरात एकूण १६ स्पर्धक सहभागी झाली होते. टास्क, मैत्री , प्रेम, भांडणे अशी स्पर्धकांची खेळी पाहायला मिळाली. अशातच बिग बॉस संपल्यानंतर हे स्पर्धक एकमेकांच्या संपर्कात आहे. बिग बॉस विजेता सूरज चव्हाणच्या गावी नुकतीच जान्हवी भेटायला गेली होती. आर्याने देखील सूरजला व्हिडीओ कॉल केला होता. अशातच आता निक्की आणि अरबाज या दोघांनी मिळून सूरजला फोन केला आहे. निक्कीने याचदरम्यानचा फोटो पोस्ट केला ज्यावर निक्कीने लवकरच भेटू भावा असं लिहिलं आहे.

बिग बॉसच्या घरात निक्की आणि सूरज चव्हाण आनंदात दिसत होते. अरबाज बिग बॉसच्या घरातून गेल्यानंतर सूरजने निक्कीला सपोर्ट केलेला पाहायला मिळाला. अशातच सर्वाचा लाडका सूरज आता त्याच्या स्वप्ने साकार करताना दिसतोय. अलिकडेच सूरडचा राजाराणी हा चित्रपट देखील रिलीज झाला.