Mukta Barve : "शाळा सोडून किती वर्ष झाली..."; मुक्ताला कोणती स्वप्ने पडतात? काय दिसतं?

मराठी अभिनेत्री मुक्ता बर्वे (Mukta Barve) सध्या 'असंभव' चित्रपटमुळे चांगली चर्चेत आहे. या चित्रपटात भूतकाळ, पुनर्जन्म आणि खून यांचा थरार पाहायला मिळत आहे. चित्रपटाच्या निमित्त मुक्ता बर्वेने नुकतीच सकाळ प्रीमियरला मुलाखत दिली. या मुलाखतीत मुक्ता अनेक विषयांवर संवाद साधला. चित्रपटात दाखवल्याप्रमाणे मुक्ताला खऱ्या आयुष्यात पडणाऱ्या स्वप्नांबद्दल तिने सांगितले. तिला स्वप्नाविषयी विचारल्यावर मुक्ताने खूपच रंजक उत्तर दिले. ती नेमकं काय म्हणाली, जाणून घेऊयात.

मुलाखतीत मुक्ताला विचारण्यात आले की, "मुक्ता तुला कोणत्या प्रकारची स्वप्न पडतात. अशी एखादी गोष्ट की प्रत्येक स्वप्नात तुला दिसतेच?" त्यावर उत्तर देत मुक्ता म्हणाली की, जेव्हा मला कोणत्या गोष्टीचा ताण येतो तेव्हा अजूनही, शाळा सोडून किती वर्ष झाली...परीक्षा आणि भागाकार, गुणाकाराची चिन्ह अशी 3D मध्ये अंगावर पडण्याची स्वप्न पडतात. मला गणिताची भीती नव्हती मात्र तशी काही चांगली आवड देखील नव्हती...कितीही मोठी झाली तरी मला हे स्वप्न पडते. नाटकाच्या पहिल्या प्रयोगाच्या आदल्या दिवशीसुद्धा मला कधी कधी अस स्वप्न पडत की, गुणाकार-भागाकारची चिन्ह अंगावर पडतात.

'असंभव'चे दिग्दर्शन सचित पाटीलने केले असून पुष्कर श्रोत्री यांनी सह-दिग्दर्शनाची जबाबदारी सांभाळली आहे. सचित पाटील, मुक्ता बर्वे, प्रिया बापट आणि संदीप कुलकर्णी या चित्रपटात मुख्य भूमिकेत झळकले आहेत. 'असंभव' चित्रपटासाठी प्रेक्षक खूपच उत्सुक आहेत. मुक्ता बर्वेच्या डोळ्यांतील भीती- शोध, प्रिया बापटचे गूढ व्यक्तिमत्त्व, सचित पाटीलचा उत्तरांच्या शोधात असलेला प्रवास यामुळे चित्रपट अधिकच रहस्यमय होत जातो.

'असंभव' हा थरारक आणि रहस्यमय चित्रपट 21 नोव्हेंबर 2025 ला थिएटरमध्ये रिलीज झाला आहे. चित्रपटाला प्रेक्षकांकडून चांगला प्रतिसाद मिळत आहे. वीकेंडला चित्रपट किती कमावतो हे पाहणे मनोरंजक ठरणार आहे.