Jahnavi Killekar : सूरज चव्हणच्या लग्नानंतर बहिणीची तब्येत बिघडली; जान्हवी किल्लेकरनं रुग्णालयातून शेअर केला फोटो, नेमकं झालं काय?

'बिग बॉस मराठी 5' चा विजेता सूरज चव्हाणचे थाटामाटात लग्न पार पडले. या लग्नात बिग बॉसमधील अनेक कलाकार दिसले. सूरज चव्हाणची लाडकी बहीण जान्हवी किल्लेकर देखील लग्नाला आली होती. हळदीपासून ते लग्नापर्यंत जान्हवी प्रत्येक समारंभात सूरजच्या सोबत होती. ज्यामुळे सोशल मीडियावर तिचे खूप कौतुक झाले. सूरजच्या लग्न सोहळ्याचे फोटो आणि व्हिडीओ सोशल मीडियावर तुफान व्हायरल होत आहेत. जान्हवी किल्लेकरने सूरजला लग्नात गिफ्ट म्हणून सोन्याची अंगठी दिली.

सूरजच्या लग्नात जान्हवी किल्लेकर प्रत्येक कामात पुढे दिसली. तिने आपल्या लाडक्या भावाच्या लग्नात खूप मजा-मस्ती केली. जान्हवी हळद, साखरपुडा या समारंभात तुफान नाचली. बहिणीचे प्रत्येक कर्तव्य ती पार पाडताना दिसली. मात्र आता सूरज चव्हाणच्या लग्नानंतर जान्हवी किल्लेकरची तब्येत अचानक बिघडली आहे. तिला रुग्णालयात दाखल करण्यात आले आहे.

जान्हवी किल्लेकरने सोशल मीडियावर पोस्ट करून यासंबंधित माहिती चाहत्यांना दिली आहे. जान्हवी किल्लेकर 'कोकिलाबेन धीरूभाई अंबानी' या रुग्णालयात दाखल असून सध्या तिच्यावर उपचार सुरू आहेत. तिने हॉस्पिटलच्या बेडवर झोपलेले फोटो शेअर केले आहे. ज्यात ती थकलेली पाहायला मिळत आहे. या पोस्टला जान्हवीने एक कॅप्शन दिले आहे. तिने लिहिलं की, 'नजर इज रिअल' जान्हवीच्या पोस्टवर नेटकऱ्यांकडून कमेंट्सचा वर्षाव होत आहे.

जान्हवी किल्लेकरचे चाहचे ती लवकरच बरी व्हावी यासाठी प्रार्थना करताना दिसत आहेत. तिची काळजी घेताना दिसत आहेत. फोटोवर लवकर बरी हो, काळजी घे, नजर लागल्या बघा अशा कमेंट्स येत आहेत. एकंदर सूरजच्या लग्नात जान्हवी किल्लेकरची खूप धावपळ झाली. त्यामुळे तिची तब्येत बिघडली असल्याचे बोले जात आहे.