Famous Actor Accident : प्रसिद्ध अभिनेत्याच्या दुचाकीचा भीषण अपघात; शस्त्रक्रियाही झाली, स्वतः सांगितला दुर्घटनेचा थरार

मनोरंजन विश्वातून धक्कादायक बातमी समोर आली आहे. प्रसिद्ध अभिनेत्याच्या गाडीचा अपघात झाला आहे. 'महाराष्ट्राची हास्यजत्रा' फेम अभिनेता विराज जगताप याचा भीषण अपघात झाला. आजवर विराज जगतापने आपल्या कॉमेडी शैलीने प्रेक्षकांना हसवले आहे. त्याचा मोठा चाहता वर्ग आहे. विराजच्या अपघातानंतर त्याचे चाहते चिंतत पडले आहे. नेमकं घडलं काय, जाणून घेऊयात.

विराजने स्थानिक माध्यमांना दिलेल्या माहितीनुसार, विराज जगताप कारच्या अपघातात गंभीर जखमी झाला आहे. बदलापूर पूर्व येथे आदर्श विद्या मंदिराजवळ ही घटना रात्री १० च्या सुमारास घडली. २४ मार्चला अभिनेत्याचा अपघात झाला. अपघातात विराजच्या हाताला गंभीर दुखापत झाली असून, त्याच्या मनगटावर शस्त्रक्रिया करण्यात आली आहे. विराज २४ तारखेला मित्राकडे गेला होता, तेथून रात्री दुचाकीवरून तो घरी येत होता, तेव्हा आदर्श विद्या मंदिराजवळील एका मोठ्या स्पीड ब्रेकरचा त्याला अंदाज आला नाही आणि अपघात घडला. स्पीड ब्रेकरवर कोणतेही पांढरे पट्टे नव्हते, ज्यामुळे विराजला स्पीड ब्रेकर दिसून आला नाही.

विराजने गाडीचा वेग कमी केला मात्र शेवटी गाडी घसरली. या अपघातात अभिनेता गंभीर जखमी झाला. त्याच्या हाताच्या मनगटाला आणि पायाला गंभीर इजा झाली. त्याला तातडीने रुग्णालयात नेण्यात आले. डॉक्टरांच्या सल्ल्यांनी त्याच्या मनगटावर शस्त्रक्रिया झाली. या घटनेनंतर अभिनेत्याचे चाहते आणि तेथील नागरिकांनी प्रशासनाच्या कामावर नाराजी व्यक्त केली आहे. स्पीड ब्रेकरचे बांधकाम करण्यासाठी शासनाकडे निधी नाही का? असा प्रश्न उपस्थित झाला आहे. स्पीड ब्रेकरवर पांढरे पट्टे का नाही? असा संतप्त सवाल नागरिक करत आहे. शासनाच्या नियमानुसार स्पीड ब्रेकरची उंची, आकार आणि त्यावर रात्रीच्या वेळी चमकणारे पांढरे पट्टे असणे बंधनकारक आहे.

विराज हा अभिनयासोबतच एक उत्तम डान्सर देखील आहे. त्याला 'महाराष्ट्राची हास्यजत्रा'मुळे खूप लोकप्रियता मिळाली आहे. अलिकडेच त्याचा 'रुबाब' चित्रपट प्रेक्षकांच्या भेटीला आला आहे. त्याच्या अभिनयाचे सर्वत्र कौतुक होताना दिसत आहे.