Lawrence Bishnoi Gang Threat: 'अगली बार सीधे माथे में गोली मारेंगे'…; गायक बादशाहला जीवे मारण्याची धमकी

'अगली बार सीधे तेरे माथे में गोली मारेंगे' अशी फेसबूक पोस्ट करत बिश्नोई गँगने बॉलिवूड गायक बादशाहाला जीवे मारण्याची धमकी दिली आहे. गायक-रॅपर बादशाहच्या हरियाणवी गाणे "टेट्टीरी" भोवतीच्या वादात लॉरेन्स बिश्नोई टोळीने उडी घेतली आहे. (Lawrence Bishnoi gang threatens rapper Badshah over Tettiri song)

बिश्नोई गँगने फेसबूक पोस्टच्या माध्यमातून पानिपत गोळीबार घटनेची जबाबदारी स्वीकारली आणि गायक बादशाहला जीवे मारण्याची धमकी दिली आहे. पुढच्या वेळी तुझ्या माथ्यात गोळी घालून अशी धमकी त्यांनी दिली आहे. बादशाह त्याच्या गायनाने हरियाणाची संस्कृती खराब करत असल्याचं गँगने आपल्या पोस्टमध्ये म्हटलंय.

लॉरेन्स बिश्नोई टोळीशी संबंधित असल्याचे कथित गुंड रणदीप मलिक आणि अनिल पंडित (यूएसए) यांनी शनिवारी, १४ मार्च रोजी पानिपतमधील असांध रोडवरील वेस्टर्न युनियन कार्यालयात झालेल्या अंदाधुंद गोळीबाराची जबाबदारी स्वीकारली आहे. सोशल मीडियावरील एका पोस्टमध्ये, टोळीने म्हटले आहे की, हा गोळीबार हवाला व्यापाऱ्यांवरील कारवाईचा एक ट्रेलर होता.