शाहरुख खान आणि नयनतारा मुख्य भूमिकेत असलेल्या ‘जवान’ ने बॉक्स ऑफिसवर धडाकेबाज कामगिरी करत हिट चित्रपटांच्या यादीत आपले स्थान पक्के केले. ॲटली दिग्दर्शित चित्रपटाची आजही सोशल मीडियावर जोरदार चर्चा होते. ‘जवान’नंतर ॲटलीने शाहरुख खानसोबत नव्या चित्रपटाची घोषणा केली आहे. दिग्दर्शक ॲटलीने याची माहिती एका मुलाखतीतून दिली आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
ॲटलीच्या आगामी चित्रपटातून टॉलिवूड सिनेसृष्टीतील एक दिग्गज अभिनेता सुद्धा दिसणार आहे. तो दुसरा तिसरा कोणी नसून विजय थलापथी आहे. ‘जवान’ रिलीज होण्याआधी सोशल मीडियावर किंग खान आणि विजय थलापथी एकत्र दिसणार अशी चर्चा होत होती. पण तसं काही घडलं नाही. पण आता खुद्द दिग्दर्शकाने सांगितल्यामुळे सोशल मीडियावर त्यांच्या आगामी चित्रपटाची चर्चा होते.
लोकप्रिय तमिळ टीव्ही प्रेझेंटर आणि यूट्युबर गोपीनाथबरोबर संवाद साधताना अ‍ॅटलीने नव्या प्रोजेक्टबाबत सांगितले. “ चित्रपटातल्या ‘जिंदा बंदा’ गाण्याच्या शूटिंगनंतर माझा वाढदिवस सेलिब्रेट करण्यात आला. त्यावेळी शाहरुख खान सर आणि विजय थलापथी सुद्धा होते. मी माझ्या बर्थडे पार्टीला आमंत्रित करण्यासाठी विजयला फोन केला होता. तेव्हा शाहरुख सर आणि विजयची चित्रपटाविषयी चर्चा झाली. मग त्यांनी मला बोलावलं.” असं अ‍ॅटली म्हणाला (Bollywood Film)
”मग मला शाहरुख बोलला की, जर तू दोन हिरो असलेला चित्रपट बनवण्याचा विचार करत असशील तर आम्ही दोघं तयार आहोत. यावर विजयनेही होकार दिला. त्यावर विजयने ‘अमा पा’ असं उत्तर दिलं. त्यामुळे मी आता आगामी चित्रपटावर काम करीत आहे.” असं मुलाखतीत अ‍ॅटली म्हणाला. अ‍ॅटलीने सिनेकारकिर्दित अनेक दर्जेदार, हिट आणि ब्लॉकबस्टर चित्रपट दिले आहेत. त्याच्या हिट चित्रपटांचा यादीमध्ये ‘राजा रानी’, ‘थेरी’, ‘मेर्सल’, ‘बिगिल’ आणि आता ‘जवान’चा सुद्धा समावेश झाला आहे. (Entertainment News)
‘जवान’ने जगभरात आतापर्यंत एकूण ११४०. ५ कोटींचा टप्पा गाठला आहे. किंग खानच्या वाढदिवशी चित्रपट नेटफ्लिक्स या ओटीटी प्लॅटफॉर्मवर रिलीज झाला आहे. प्रेक्षक आता हा चित्रपट घरबसल्या सहजरित्या पाहू शकत आहेत. ॲटली दिग्दर्शित ‘जवान’मध्ये, शाहरुखसोबत नयनतारा, विजय सेतुपती, दीपिका पदुकोण, संजय दत्त, गिरिजा ओक, सान्या मल्होत्रा, प्रियामणीसह अनेक अभिनेत्रींनी चित्रपटामध्ये मुख्य भूमिका साकारली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.